Znajści
Ałharytmičny łacinski varyjant
07.03.2024 / 14:582RusŁacBieł

Nacyjanalnaja akademija navuk vypuściła faksimile «Vialikaha mastactva artyleryi» Siemianoviča

U vydaviectvie «Biełaruskaja navuka» vyjšła faksimilnaje navukovaje vydańnie «The Great Art of Artillery of Casimir Simienowicz / Vialikaje mastactva artyleryi Kazimira Siemianoviča» na asnovie asobnika, jaki byŭ nadrukavany ŭ Łondanie ŭ 1729 hodzie.

Faksimile padrychtavana supracoŭnikami Centra daśledavańniaŭ staradrukaŭ i rukapisaŭ Pilipam Padbiarozkinym i Vadzimam Urubleŭskim na padstavie anhielskaj viersii traktata našaha ziemlaka Kazimira Siemianoviča «The Great Art of Artillery» (Łondan, 1729), jaki zachoŭvajecca ŭ fondzie CNB Nacyjanalnaj Akademii navuk Biełarusi, paviedamlaje bellit.info.

Jak tłumačać vydaŭcy, upieršyniu ŭ ajčynnaj i zamiežnaj histaryjahrafii pryvodziacca śviedčańni, jakija pakazvajuć biełaruskaje pachodžańnie i metavuju aŭdytoryju Kazimira Siemianoviča, pryncypy i śpiecyfiku pierakładu traktata na anhielskuju ŭ 1729 hodzie, admietnaści litaraturnaj tradycyi i navukova-techničnaj terminałohii artyleryjskaj spravy XVII stahodździa.

Praca Kazimira Siemianoviča (kala 1600 — kala 1651) pieršapačatkova vyjšła na łacinskaj movie ŭ 1650 hodzie, dosyć chutka nabyvaje viadomaść i stanovicca padručnikam pa artyleryi. U knizie pradstaŭleny kanstrukcyi rakiet, zapalnych snaradaŭ i inšych piratechničnych prystasavańniaŭ.

Mienavita Kazimir Siemianovič upieršyniu pradstaviŭ ideju vykarystańnia reaktyŭnaha ruchu ŭ artyleryi. Vialiki raździeł pryśviečany kalibram, kanstrukcyi, budovie i jakaściam rakiet (vajskovych i hramiadzianskich), u tym liku šmatstupieńčatych rakiet, rakietnych batarej i rakiet sa stabilizataram.

Čytajcie taksama:

Papa Francišak atrymaŭ u dar kopiju abraza Maci Božaj Žyrovickaj

«Jaje zavuć dyrektaram morha». Biełaruska z Novaj Ziełandyi napisała knihu pra žyćcio na Paleśsi

«Pabačymsia ŭ žniŭni». Vyjšaŭ raman Habryela Harsija Markiesa, jaki raniej nie vydavaŭsia

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
0
Ха-ха
0
Ого
0
Сумна
0
Абуральна
0
0
Udakładnieńnie/adkazać/
07.03.2024
[Red. vydalena]
0
Prajšło 400 hod…/adkazać/
08.03.2024
A prosta ŭ Intarnet hetaje faksimile Akademija nie vykłała, bo…? 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera