Znajści
Ałharytmičny łacinski varyjant
10.02.2024 / 22:4719RusŁacBieł

Hrodzienka, jakuju raniej sudzili za BČB-štany, paklikała ŭsich na vybary i sfatahrafavałasia z byłym siłavikom

Hrodzienka Luboŭ Sarłaj, jakuju jašče letaś sudzili za raspaŭsiud «ekstremisckich» materyjałaŭ i niekalki razoŭ zatrymlivali na mitynhach, publična zaklikała ŭsich iści na vybary łukašenkaŭskich deputataŭ i sfatahrafavałasia ź Jaŭhienam Dudko, byłym pres-sakratarom UUS Hrodzienskaha harvykankama, zaŭvažyła Hrodna.life.

«Hałasujem, vyklučna, za hodnych kandydataŭ», — padpisała žančyna fota ŭ instahramie. I dadała cheštehi #25fievrala i #obožajuvybory.

Luboŭ zaklikała hałasavać za dyrektara Hrodzienskaha filijała RUP «Biełpošta» Andreja Anisimava. Mienavita z «Biełpošty» jaje zvolnili ŭ 2021 hodzie za prahuł. Tady hrodzienka chacieła ŭziać adhuł na 25 sakavika, kali adznačajecca Dzień Voli, ale joj jaho nie dali.

Luboŭ Sarłaj. Fota: instahram hrodzienki

Fota ź Jaŭhienam Dudko jana padpisała cheštehami #obožiekakojmužčina i #malinovojevarieńje.

Dudko z pres-słužby UUS Hrodzienskaha abłvykankama pierajšoŭ u Hrodzienskuju abłasnuju arhanizacyju fizkulturna-spartyŭnaha tavarystva «Dynama», dzie staŭ namieśnikam staršyni savieta. U 2020 hodzie jon byŭ na akcyjach pratestu i sačyŭ za zatrymańniami.

Hrodziency, jakija nie viedali pra źmienu hramadska-palityčnaj pazicyi Sarłaj, dziviacca ŭ kamientarach.

«Svajmu siabru Dudko pieradavaj vitanki ad sapraŭdnych haradziencaŭ. Moža, jon nie tolki z pradažnymi budzie fotkacca», — napisała palitemihrantka Julija Śliŭko.

Niekatoryja kamientary, naprykład, žurnalista Rusłana Kuleviča, Luboŭ užo vydaliła, a na inšyja adkazvaje smajlikami.

Što paŭpłyvała na źmienu pazicyi Lubovi, nieviadoma. Da hetaha jana ŭdzielničała ŭ zabiehach, arhanizavanych uładami, u jakich, jak praviła, udzielničajuć i siłaviki. Ale zusim užo nieprychavana raskryłasia tolki 9 lutaha.

U 2020-m prasłaviłasia BČB-štanami

Luboŭ Sarłaj nieadnarazova zatrymlivali i sudzili paśla vybaraŭ 2020 hoda. Spačatku jaje zatrymali 31 kastryčnika 2020 hoda. Potym pravaachoŭniki skłali pratakoły za ŭdzieł u niesankcyjanavanych mierapryjemstvach za fota ŭ instahramie. Niekatoryja spravy spynili z-za zakančeńnia terminu daŭniny.

Viadomaj stała historyja pra štany z BČB-łampasami — za prahułku ŭ ich dziaŭčyna vypłaciła štraf u 20 bazavych vieličyń (tady — 580 rubloŭ).

U krasaviku 2023 hoda Luboŭ aštrafavali na 30 bazavych vieličyń za raspaŭsiud «ekstremisckich» materyjałaŭ.

Čytajcie taksama:

Bondarava niepierakanaŭča apraŭdvajecca za toje, čamu 17 hadoŭ nie pracavała

«Zamach na maju siamju!» Ideołah z «Biełaj Rusi» prosić abaranić jaje ad Bondaravaj

 «Biehłyja, vy mahli b taksama karystacca hetym zakonam». Sumnaja historyja pra toje, jak tyktokier schadziŭ u deputaty

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
59
Ха-ха
3
Ого
4
Сумна
7
Абуральна
11
0
Štany/adkazać/
11.02.2024
Plavać na jaje
2
Vasia/adkazać/
11.02.2024
Čiełoviek v załožnikach.
0
Prosta žychar/adkazać/
13.02.2024
Ahientesa pad prykryciom skončyła pracu?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930