Znajści
Ałharytmičny łacinski varyjant
10.02.2024 / 18:29RusŁacBieł

Ukrainskaja SPA pratrymajecca biez zachodnich pastavak snaradaŭ tolki da sakavika — The New York Times

Ukrainskija sistemy supraćpavietranaj abarony adčuvajuć niedachop snaradaŭ: kali ŭ najbližejšy čas nie budzie papaŭnieńniaŭ zapasaŭ, to ich chopić tolki da sakavika. Pra heta piša The New York Times sa spasyłkaj na acenku amierykanskich čynoŭnikaŭ.

Fota: Diego Herrera Carcedo/Anadolu via Getty Images

Zachodnija čynoŭniki i vajskovyja ekśpierty papiaredžvajuć, što biez dapamohi ZŠA Ukraina moža paźniej u hetym hodzie adčuć «kaskadny kałaps» uzdoŭž frontu. Jany adznačajuć, što heta adbudziecca nie raniej, čym praz paru miesiacaŭ. Ale bieź źniešniaj padtrymki, dadajuć jany, ciažka ŭjavić, jak Ukraina zmoža ŭtrymlivać svaje biahučyja pazicyi na poli boju.

Surazmoŭcy NYT ličać, što da sakavika biahučaha hoda Ukrainie budzie składana pravodzić łakalnyja kontrataki, a da pačatku leta Uzbrojenyja siły Ukrainy mohuć sutyknucca ź ciažkaściami ŭ adbićci napadaŭ praciŭnika. Krynicy vydańnia papiaredžvajuć, što najbolš adčuvalny deficyt bojeprypasaŭ adčuvajecca ŭ rajonie Aŭdziejeŭki.

Rasii, adnak, taksama budzie składana chutka stvaryć dastatkovy patencyjał dla praviadzieńnia bujnoha nastupleńnia na ŭschodzie Ukrainy, adznačajuć analityki. Chutčej za ŭsio, rasijskija vojski buduć prasoŭvacca napierad «niazhrabna i razroźniena», ź vialikimi stratami, miarkujuć jany.

Ciapier USU štodnia vykarystoŭvajuć tolki tracinu nieabchodnaj kolkaści artyleryjskich snaradaŭ dla ŭtrymańnia svaich pazicyj, paviedamlaje ŭ svaju čarhu Financial Times. Bolšaść amierykanskich pastavak faktyčna prypyniena, a praces pašyreńnia vytvorčaści zbroi ŭ Jeŭrapiejskim sajuzie adbyvajecca niedastatkova chutka.

Vydzialeńnie vajskovaj dapamohi Ukrainie zastajecca pradmietam roznahałośsiaŭ u Kanhresie ZŠA. Na minułym tydni prajekt ab vydzialeńni pakieta vajskovaj dapamohi na sumu kala 60 młrd dalaraŭ zmoh prajści z boku sienataraŭ papiaredniaje ŭchvaleńnie. Ciapier za jaho pavinny prahałasavać u Sienacie i Pałacie pradstaŭnikoŭ.

Čytajcie taksama:

Niamieckija hienierały tajemna naviedali Kijeŭ u dzień adstaŭki Załužnaha

Rasijskija vojski pierarezali čyhunačnuju liniju ŭ centry Aŭdziejeŭki — analityk Bild

Alaksandr Syrski raskazaŭ, za košt čaho źbirajecca pieramahać u vajnie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
0
Ого
0
Сумна
6
Абуральна
8
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930