Znajści
Ałharytmičny łacinski varyjant
31.12.2023 / 10:436RusŁacBieł

Ludzi hoda pa viersii «Našaj Nivy» — hurt Tor Band

Rahačoŭskamu hurtu, čyje pieśni byli narodnymi chitami ŭ 2020-m, sioleta vynieśli žachlivyja prysudy. Jak napamin, što padziei trochhadovaj daŭniny dahetul nie zabytyja.

Klipy Tor Band sabrali miljony prahladaŭ. Aŭtarytetny muzyčny krytyk Arciemij Troicki nazyvaŭ pieśni Tor Band samaj jaskravaj źjavaj u biełaruskaj muzycy 2020 hoda.

Ich pieśni nastolki šyroka razyšlisia, što navat prychilniki Łukašenki zapisvali pad ich svaje tyktoki.

Paśla taho, jak pieśni hurta zjaŭlalisia ŭ internecie, muzykam zvanili rahačoŭskija čynoŭniki i prasili nie śpiavać ich.

«Jany chacieli, kab Rahačoŭ ni ŭ jakich ŚMI i pieśniach nie fihuravaŭ. Była adna fraza: «My chočam, kab u Rahačovie było cicha», — kazaŭ Dźmitryj Hałavač.

Muzyki zastavalisia ŭ Biełarusi. Ale za tvorčaść im ułady adpomścili.

Muzykaŭ zatrymali ŭ kastryčniku 2022 hoda. U studzieni 2023 hoda stała viadoma, što Tor Band pryznany ekstremisckim farmavańniem. Na muzykaŭ zaviali kryminalnyja spravy — raspalvańnie sacyjalnaj varažniečy, stvareńnie ekstremisckaha farmavańnia, dyskredytacyja Biełarusi, abraza Alaksandra Łukašenki…

U vyniku Dźmitryju Hałavaču prysudzili 9 hadoŭ uzmocnienaha režymu, Jaŭhienu Burło — 8 hadoŭ, Andreju Jaremčyku — 7,5 hoda. Jaŭhien Burło byŭ na mylicach, jon ź ciažkaściu pierasoŭvajecca.

Takich žorstkich prysudaŭ za muzyku Biełaruś jašče nie bačyła.

Kali «Bajsoł» abvieściŭ zbor u padtrymku muzykaŭ, biełarusy mienš čym za dzień sabrali nieabchodnuju sumu — 9 tysiač jeŭra. U vyniku dla muzykaŭ zadanacili bolš za 14 tysiač jeŭra.

Hetym vybaram ludziej hoda my vykazvajem salidarnaść z tymi, chto zastajecca ŭ Biełarusi, chto natchniaje svajoj tvorčaściu, chto trapiŭ za kratami za svaje pierakanańni.

«My nie bydło, nie stado, nie trusy,
My živoj narod, my biełarusy».

Hetyja radki jašče doŭha buduć hučać u našych dumkach.

***

Chto byŭ čałaviekam hoda «Našaj Nivy» ŭ papiarednija hady:

2022 — rejkavyja partyzany Dźmitryj Klimaŭ, Uładzimir Aŭramcaŭ i Jaŭhien Minkievič

2021 — Darja Łosik

2020 — Śviatłana Cichanoŭskaja

2019 — Pavieł i Hanna Sieviaryncy

2018 — Maryna Zołatava

2017 — Pavieł Kałaŭr

2016 — Kaciaryna Siniuk

2015 — Śviatłana Aleksijevič

2014 — Franak Viačorka i inšyja papularyzatary vyšyvanki

2013 — biełaruskamoŭnyja dzieci

2012 — Alaksiej Baciukoŭ, Źmicier Jackievič, Andrej Radkoŭ (za viartańnie ŭ krainu Statuta Vialikaha Kniastva Litoŭskaha)

2011 — Siarhiej Michałok

2010 — Mikałaj Kazłoŭ

2009 — Natałka Vasilevič i inšyja dabračyncy

2008 — Viktar Hančarenka

2007 — «maładafrontaviec»

2006 — čałaviek Płoščy

Čytajcie taksama:

Što treba viedać pra hurt Tor Band — muzykaŭ, jakich pakarali žachlivymi terminami za ich chity

Pieśnia Tor Band «My nie narodziec» stała nastolki narodnaj, što pad jaje zapisvajuć tyktoki navat łukašenkaŭcy VIDEA

Muzykantam Tor Band vynieśli surovyja prysudy. Jaŭhien Burło padčas abviaščeńnia prysudu nie zmoh ustać

Chto taki Siarhiej Sałoŭski — sudździa, što ŭviaźniŭ muzykaŭ z Tor Band 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
18
Панылы сорам
3
Ха-ха
0
Ого
1
Сумна
0
Абуральна
1
8
Oj nia tuju vy premiju anensavali.../adkazać/
22.12.2023
Treba było - nieludzi ŭchadziaščava hoda. Ci tamaka - Vaŭkałak ci Vurdałak hodu. A to čarhovych hierojaŭ sabie namalujuć a z kim vajujem u tryccacihadovaj vajnie niejak zabylisia. Da i jakaja roźnica skolki ŭ nas hierojaŭ? Pytańnie prostaje - dzie adšukać hierojaŭ pram na miažy ES jeŭrablachi na transpart anansavać?
0
Žyvie Biełaruś /adkazać/
31.12.2023
Treba było rabić simvałam pratestu-2020 pieśniu "Žyvie Biełaruś" hurta Tor Band, a nie hetu durackuju pieśniu "razbury mury turmy", jakaja stała praročaj: "pieśnia hłuchnie, hłuchnie, a mury rastuć, rastuć".
0
√1/adkazać/
31.12.2023
Dla mianie Tor Band - lepšyja!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera