Znajści
Ałharytmičny łacinski varyjant
05.12.2023 / 10:4948RusŁacBieł

Praz 17 hadoŭ žyćcia ŭ Litvie biełarusa pazbavili dazvołu na žycharstva, razłučyli ź siamjoj i zahadali viarnucca ŭ Biełaruś

Biełarus Alaksiej pražyŭ u Litvie 17 hadoŭ. U kancy listapada 2023 hoda jamu pryjšłosia kinuć žonku i dvaich niepaŭnaletnich dziaciej, bo jaho pazbavili vidu na žycharstva ŭ Litvie. Departamient dziaržbiaśpieki Litvy (DDB) vyrašyŭ, što mužčyna ŭjaŭlaje pahrozu dla Litvy, pakolki 20 hadoŭ tamu słužyŭ u biełaruskim vojsku. Departamient mihracyi zaznačaje, što ŭ takich vypadkach termin, praviedzieny ŭ Litvie i najaŭnaść siamji nie zjaŭlajucca važkim arhumientam dla taho, kab čałaviek zastaŭsia ŭ Litvie. Jaho historyju raspaviadaje Delfi.

Žonka vysłanaha ŭ Biełaruś mužčyny Janina (sapraŭdnaje imia redakcyi viadoma) raskazała vydańniu, što jaje muž žyŭ u Litvie z 2006 hoda. Tady para ažaniłasia, u jaje naradzilisia dvoje dziaciej. Dzieci, jak i Janina, hramadzianie Litvy. U Alaksieja byŭ časovy vid na žycharstva, jaki ŭvieś čas padaŭžali. U lutym hetaha hoda skončyŭsia termin dakumienta, Alaksiej u zvyčajnym paradku źviarnuŭsia za praciaham dakumienta.

Adkazu pryjšłosia čakać 9 miesiacaŭ, a kali jon byŭ atrymany, siamja była ŭ šoku — na asnovie vysnovaŭ DDB Departamient mihracyi nie praciahnuŭ vid na žycharstva, Alaksieja pryznali pahrozaj nacbiaśpieki Litvy. «30 miesiacaŭ jon nie zmoža pryjechać u Litvu», — raskazała Janina. U departamiencie Alaksieja zaprasili ŭ kabiniet, razdrukavali rašeńnie i skazali, što jon nieadkładna pavinien vyjechać u Biełaruś.

«Pryjechali pamiežniki i na mašynie z hetym dakumientam advieźli na miažu», — raspaviała žančyna. Jana była ŭražanaj. Jaje mužu nie dali ni padrychtavacca, ni sabracca, nichto nie čakaŭ abskardžańnia rašeńnia.

Ciapier jon žyvie tam u baćkoŭ. «Jon u šoku, u poŭnym šoku. Paŭžyćcia pražyŭ tut, tut jaho siamja», — kaža Janina.

U adkazie Departamienta mihracyi, ź jakim aznajomiŭsia Delfi, skazana, što ŭ 2000—2002 hh. mužčyna słužyŭ u biełaruskim vojsku, a ŭ 2003—2004 hh. słužyŭ pa kantrakcie, značyć «pavinien być łajalnym hramadzianinam Biełarusi, jaki padtrymlivaje jaje ŭładu i ahresiŭnuju źniešniuju palityku».

Departamient mihracyi ŭkazaŭ: DDB ličyć, što Alaksiejem mohuć skarystacca dla vykanańnia roznych zadač śpiecsłužbaŭ.

«Jon pracavaŭ prostym pamiežnikam — padnimaŭ i apuskaŭ šłahbaŭm, možna tak skazać», — zapeŭnivaje Janina.

Pavodle jaje słoŭ, uvieś čas u Litvie Alaksiej vykonvaŭ prostuju pracu — byŭ kładaŭščykom. «Amal uvieś čas tut jon pracavaŭ, jaho staž 16 hadoŭ», — dadała žančyna.

Departamient mihracyi ŭkazaŭ, što niahledziačy na ​​toje, što Alaksiej žyvie ŭ Litvie z 2006 hoda, a z 2005 žanaty z hramadziankaj Litvy i vychoŭvaje dvaich niepaŭnaletnich dziaciej, pracuje, usio ž na padstavie vysnoŭ DDB było pryniata rašeńnie admović jamu ŭ vidzie na žycharstva ź mierkavańniaŭ biaśpieki.

U rašeńni taksama paznačana, što Alaksiej žyvie ŭ Litvie, ale časta jeździć u Biełaruś. «Zychodziačy z hetaha, možna zrabić vysnovu, što inšaziemiec nie razarvaŭ sacyjalnyja suviazi ź Biełaruśsiu, a heta pavyšaje ryzyku davańnia infarmacyi i supracoŭnictva ź biełaruskimi słužbami», — skazana ŭ rašeńni.

«Čamu čałaviek nie moža jeździć da baćkoŭ? Tak, my raniej amal kožnyja vychadnyja jeździli, da pandemii. Tam nie tolki jaho baćki žyvuć, tam pachavana maja maci, my nie jeździm tudy prosta tak», — skazała Janina.

Departamient zaznačyŭ, što Alaksiej nie pretendavaŭ na pastajanny vid na žycharstva i na hramadzianstva, što rascaniŭ, jak fakt «niedastatkovaj intehracyi ŭ litoŭskaje hramadstva i toje, što čałaviek nie źviazvaje ź Litvoj svaju budučyniu».

Pa słovach Janiny, Alaksieju zrabili zaŭvahu i z-za nievialikaha zarobku.

Čytajcie taksama:

U Siejmie Litvy zarehistrujuć papraŭki da zakona, jakija abmiažoŭvajuć mahčymaści biełarusaŭ žyć u krainie

«My nazirajem ​​biesprecedentnuju aktyŭnaść biełaruskich śpiecsłužbaŭ». Kiraŭnik DDB Litvy vystupiŭ za ŭnifikacyju sankcyj da biełarusaŭ i rasijan

«Jość novyja abstaviny». MUS Litvy prapanuje viarnucca da pytańnia ŭnifikacyi sankcyj u adnosinach da biełarusaŭ i rasiejcaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
25
Ха-ха
13
Ого
8
Сумна
8
Абуральна
70
0
Home security danger/adkazać/
06.12.2023
Azoulas, koniečno. Choziain - barin. Za poślednij hod śviernułoś 37% biełorusskich kompanij, i , ja dumaju, eto tolko načało.Pośle 20-ho hoda Litva aktivno pieriemanivała biełorusskoje IT, no bolšie nie chočiet, okiej. Varianty jesť. No - počiemu by nie sdiełať eto normalno, bieź vsiakoj špionomanii. I nie trohaja tiech, kto imiejet siemji i užie diesiatiletijami živiet v Litvie.
A ostalnym - nu, annulirujtie VNŽ v razumnyje sroki, čtoby ludi, kotorym hrozit za politiku v Biełarusi tiuriemnyj srok, mohli spokojno vyjechať iz Litvy tuda, hdie oni smohut spokojno žiť, rabotať i płatiť nałohi.

0
rom/adkazać/
06.12.2023
[Red. vydalena]
0
rom/adkazać/
06.12.2023
Debiły bł,,,
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera