Znajści
Ałharytmičny łacinski varyjant
05.12.2023 / 10:25RusŁacBieł

Ekśpierty vyjavili novuju škodnasnuju rassyłku ŭ Biełarusi

Listy prychodziać nibyta ad imia siłavoha viedamstva inšaj krainy. U ich patrabujuć terminova dasłać jakuju-niebudź infarmacyju i pałochajuć pierśpiektyvaj pryciahnieńnia da adkaznaści.

U listapadzie ekśpierty Kaspersky zafiksavali škodnasnuju rassyłku pa biełaruskich arhanizacyjach. Jak raspaviali Office Life pradstaŭniki kampanii, biełarusy atrymlivajuć listy z archivam, u jakim znachodzicca bekdor, h.zn. škodnasnaja prahrama dla atrymańnia dystancyjnaha dostupu da pryłady achviary.

Jak udakładnili analityki Kaspersky, listy prychodziać nibyta ad imia siłavoha viedamstva inšaj krainy. U ich patrabujuć terminova dasłać jakuju-niebudź infarmacyju i pałochajuć pierśpiektyvaj pryciahnieńnia da adkaznaści.

Tak ašukancy raźličvajuć, što atrymalnik vyrašyć pravieryć archiŭ, kab zrazumieć, što ad jaho chočuć. Kali jon zapampuje i adkryje fajł, na jaho pryładzie akažacca bekdor Backdoor.Win32.Remcos.wvf.

Aleh Kuprejeŭ, ekśpiert pa kibierbiaśpiecy Kaspersky, kaža, što Remcos viadomy z 2016 hoda i spačatku raspaŭsiudžvaŭsia jak lehalnaje PA dla dystancyjnaha kiravańnia. Zaraz ža jon pradajecca na cieniavych resursach i ličycca adnym z najbolš častych bekdoraŭ.

Akramia taho, u Remcos ubudavany kłavijaturny špijon, zdolny pierachoplivać danyja z bufiera abmienu. Jon moža i aŭtamatyčna čyścić cookies u braŭzerach, zmušajučy karystalnika znoŭku ŭvodzić ulikovyja danyja pry ŭvachodzie ŭ toj ci inšy servis, kab kraści łahiny i paroli.

U dadatak u zaležnaści ad madyfikacyi jon zdolny zapisvać aŭdyjo i rabić zdymki z kamiery.

Pa słovach ekśpierta pa kibierbiaśpiecy Kaspersky Andreja Koŭtuna, usio roŭna, karystajeciesia vy karparatyŭnaj poštaj ci asabistaj, zaŭsiody treba prajaŭlać pilnaść i ŭvažliva čytać lubyja listy, navat kali jany ad viadomych adpraŭnikoŭ. Asabliva kali ad vas patrabujuć ździejśnić jakoje-niebudź dziejańnie, čaściej za ŭsio — pierajści pa spasyłcy, spampavać układańnie abo adpravić svaje piersanalnyja źviestki.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
0
Ха-ха
0
Ого
4
Сумна
0
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera