Znajści
Ałharytmičny łacinski varyjant
29.11.2023 / 18:592RusŁacBieł

Da Ziamli ruchajecca vielizarnaja soniečnaja ŭspyška kłasa X. Nad Biełaruśsiu moža paŭtarycca paŭnočnaje źziańnie

Dniami na Soncy adbylisia adrazu try mahutnyja karanalnyja vykidy, jakija zaraz laciać da Ziamli i mohuć vyklikać pa ŭsim śviecie zboi ŭ pracy radyjo, mabilnaj suviazi, internetu i elektrasietak. Płanietu čakaje «mocnaje paŭnočnaje źziańnie».

Paŭnočnaje źziańnie na poŭdni Biełarusi 5 listapada. Fota: «Fłahštok»

Vydańnie Forbes sa spasyłkaj na kaśmičnaje ahienctva NASA i servis adsočvańnia situacyi na Soncy SpaceWeather.com paviedamlaje, što 30 listapada — 1 śniežnia na Ziamlu abryniecca vielizarny soniečny ŭsplosk kłasa X (adzin z samych mahutnych kłasaŭ), jaki składajecca z troch asobnych vialikich soniečnych vykidaŭ.

Płanieta moža sutyknucca ź pierabojami pracy spadarožnikaŭ, elektrasietak, internetu, a taksama radyjo i mabilnaj suviazi. Mieteazaležnyja ludzi mohuć adčuć paharšeńnie svajho stanu zdaroŭja.

Ekśpierty adznačajuć, što hetym razam hieamahnitnaja bura na płaniecie budzie kłasa G4, što adpaviadaje 6-7 bałam pa 10-balnaj škale. Zafiksavanaja moc soniečnaha ŭsplosku — M9.82 (što adnosić jaho da kłasa X).

Forbes sa spasyłkaj na navukoŭcaŭ taksama dadaje, što pa ŭsioj Ziamli moža naziracca «mocnaje paŭnočnaje źziańnie».

«Uličvajučy moc soniečnaj bury, paŭnočnaje źziańnie adbudziecca pieravažna ŭ siarednich šyrotach płaniety», —skazała supracoŭnica servisu adsočvańnia situacyi na Soncy SpaceWeather.com, doktar Tamita Skoŭ.

Heta značyć, što paŭnočnaje źziańnie, jakoje bačyli biełarusy na poŭdni krainy 5 listapada, moža paŭtarycca iznoŭ. 

Na karyść hetaj mahčymaści havoryć jašče i toje, što, pavodle rasijskaha ahienctva «RIA Novosti», nad Maskvoj 30 listapada — 1 śniežnia možna budzie taksama nazirać paŭnočnaje źziańnie.

Čytajcie taksama:

«Zasypaje nas śnieh, zasypaje». U Minsku miacie zavirucha FOTAREPARTAŽ

«Kamień-bumieranh». Upieršyniu na našaj płaniecie byŭ znojdzieny mietearyt ziamnoha pachodžańnia

Na Soncy adbyłasia adna z samych mahutnych uspyšak za 20 hadoŭ. U niekalkich rehijonach płaniety źnikła radyjosuviaź

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
1
Ха-ха
1
Ого
11
Сумна
4
Абуральна
2
0
voj/adkazać/
29.11.2023
jakoje złavieščaje fota
0
Bhagawan/adkazać/
29.11.2023
U polșčy nie budzie bačna?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera