Znajści
Ałharytmičny łacinski varyjant
08.11.2023 / 15:55RusŁacBieł

ES rekamiendavali pačać pieramovy z Ukrainaj i Małdovaj ab dałučeńni

Kančatkova pytańnie ab siabroŭstvie maje vyrašycca na samicie ES u śniežni.

Ursuła fon der Lajen i Uładzimir Zialenski ŭ Kijevie. 4 listapada 2023. Efrem Lukatsky, AP Photo / File

Kiraŭnica Jeŭrakamisii Ursuła fon der Lajen zajaviła, što jeŭrapiejskija čynoŭniki rekamiendavali Jeŭrasajuzu pačać farmalnyja pieramovy ab ustupleńni z Ukrainaj i Małdovaj pry vykanańni niekalkich umoŭ. U dakładzie ES taksama ŭtrymlivajecca rekamiendacyja dać Hruzii status kandydata na ŭstupleńnie ŭ błok, piša Bi-bi-si.

Kančatkova pytańnie ab siabroŭstvie troch dziaržaŭ maje vyrašycca na samicie ES u śniežni.

Pa słovach fon der Lajen, pieramovy ab siabroŭstvie Ukrainy pačnucca, jak tolki Kijeŭ vykanaje dadatkovyja ŭmovy ŭ dačynieńni da baraćby z karupcyjaj, zakonaŭ u dačynieńni łabizmu i pravoŭ nacyjanalnych mienšaściaŭ.

U subotu kiraŭnica Jeŭrakamisii Ursuła fon der Lajen pachvaliła Kijeŭ za vykanańnie «bolš čym na 90%» siami kantrolnych pakazčykaŭ reformaŭ, ustanoŭlenych Bruselem.

«Ja ŭpeŭnienaja, što vy zmožacie dasiahnuć svajoj ambicyjnaj mety — histaryčnaha rašeńnia ab adkryćci pracesu pieramovaŭ ab ustupleńni ŭ ES, jakoje maje być pryniataje ŭžo sioleta», — skazała jana padčas vizitu ŭ Kijeŭ.

Dypłamaty z krain ES, jakija rašuča padtrymlivajuć Kijeŭ, pryznajuć, što debaty ŭ śniežni buduć žorstkimi — i zhoda na pačatak pieramovaŭ moža być abumoŭlenaja dalejšymi reformami.

«Vidavočna, što dyskusija budzie haračaj i ciažkaj — kali b heta było nie tak, my b užo mieli kampramisnaje rašeńnie, — skazaŭ AFP adzin z vysokapastaŭlenych jeŭrapiejskich dypłamataŭ. — Ja aptymistyčna nastrojeny na toje, što my zmožam jaho pryniać. Heta nie kaniec šlachu».

Ahienctva Bloomberg napiaredadni paviedamlała, što zaklučeńnie Jeŭrakamisii budzie stanoŭčym dla Kijeva, adnak u im budzie ŭtrymlivacca šerah umoŭ. Ispanskaja El Pais pisała sa spasyłkaj na prajekt dakumienta, što pačatak dyjałohu ab ustupleńni ŭviazvajecca z abaronaj pravoŭ moŭnych mienšaściaŭ i bolš aktyŭnaj baraćboj z karupcyjaj.

Ukrainski prezident Uładzimir Zialenski padaŭ zajaŭku na siabroŭstva ŭ ES adrazu paśla pačatku rasiejskaha ŭvarvańnia ŭ lutym 2022 hoda. Praź niekalki miesiacaŭ, u červieni, Ukraina atrymała status kandydata na ŭstupleńnie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
0
Ха-ха
0
Ого
1
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera