Znajści
Ałharytmičny łacinski varyjant
27.09.2023 / 15:10RusŁacBieł

Vadanosava, Relikt, ZUJ i B:N. Abvieščana prahrama fiestyvalu «Bardauskaja Vosień 2023»

Fiestyval «Bardauskaja Vosień 2023» projdzie 27-29 kastryčnika na Padlaššy ŭ Polščy.

«Bardaŭskaja vosień» u 2022-m hodzie. Fota tutaka.org

U miežach fiestyvalu buduć prachodzić raznastajnyja mierapryjemstvy ŭ troch roznych miescach Padlašša. Arhanizatary abiacajuć nie tolki cikavuju muzyčnuju prahramu, ale i litaraturnyja sustrečy biełaruskich i padlašskich litarataraŭ sa svajoj publikaj, piša «Budźma».

«Bardy», hetak ža, jak i fiestyval «Basovišča», kultavaje mierapryjemstva z 27-hadovym stažam. Užo ź minułaha vypusku arhanizatary namahalisia źmianić čysta muzyčny charaktar fiestyvalu na muzyčna-litaraturny farmat, pakazvajučy toje, što adbyvajecca ŭ biełaruskaj prastory «aŭtarskaj pieśni».

Viadoma, što muzyka zastaniecca mocnym akcentam, jak elemient, što vabić publiku, chacia, sa słoŭ arhanizataraŭ festu, jany častkova chočuć pazbycca tradycyjnaha ŭsprymańnia «aŭtarskaj pieśni» i zaprasić tvorcaŭ, jakija taksama natchniajucca litaraturaj, ale majuć bolš navatarski padychod, dy źviarnuć uvahu na teatr i muzyčnyja śpiektakli.

U miežach fiestyvalu 27-29 kastryčnika projduć try mierapryjemstvy ŭ troch roznych miascovaściach Padlašša. U kožnym ź ich zapłanavany jak kancerty, hetak i sustrečy, źviazanyja ź biełaruskaj litaraturaj.

27 kastryčnika

U Bielskim Domie Kultury (Bielsk Padlašski) vystupić Kaciaryna Vadanosava i Alaksandra Kanafalskaja (sand-art) z prajektam «Kraj» dy hurt Relikt. Taksama płanujecca ŭručeńnie Premii imia Michała Aniempadystava (Biełaruski PEN) i dyskusija pra stan sučasnaj biełaruskaj litaratury.

28 kastryčnika

U asiarodku kultury ŭ Orli zapłanavany vystup Aleha Kabzar, WZ Trio, a taksama sustreča-prezientacyja biełaruskaj litaratury Padlašša

29 kastryčnika

U Biełastockim Teatry lalek pakažuć «Śviatło ŭ ciemry» — śpiektakl teatra «Tutejšy»(rež. Andrej Saŭčanka), vystupiać muzyčny prajekt ZUJ i B:N.

Prajekt ładzicca ŭ miežach prahramy #ArtPower Belarus Biełaruskaj Rady kultury i Dackaha instytuta kultury pry finansavaj padtrymcy Jeŭrasajuza.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
0
Ха-ха
1
Ого
1
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930