Znajści
Ałharytmičny łacinski varyjant
08.06.2023 / 09:18RusŁacBieł

Śvietłahorski CKK nazvaŭ imiony zahinułych padčas vybuchu na zavodzie bielenaj celułozy

Śvietłahorski kambinat nazvaŭ imiony troch čałaviek, jakija zahinuli na CKK: Viktar Ramańkoŭ, Michaił Šacica, Aleh Kacuba. Ich apublikavaŭ kanał Śvietłahoraskaha rajvykankama. Imavierna, ličba zahinułych i paciarpiełych na pradpryjemstvie nie kančatkovaja. 

Avaryja na Śvietłahorskim celułozna-kardonnym kambinacie. Skryn ź videa MNS

Hienieralny dyrektar AAT «Śvietłahorski CKK» Juryj Kruk sustreŭsia ź siemjami zahinułych, jak havorycca ŭ paviedamleńni. 

Avaryja na pradpryjemstvie adbyłasia 7 červienia prykładna a 15:30.

U telehram-kanale homielskaha telebačańnia ŭ 15:46 napisali, što na terytoryi celułoznaha kambinata adbyŭsia vybuch, a ratavalniki šukajuć dvaich rabotnikaŭ, jakija znachodzilisia pobač ź miescam avaryi.

Tak vyhladaje cech paśla «ŭspyški». Skryn ź videa MNS

U paźniejšych aficyjnych paviedamleńniach havaryłasia pra ŭspyšku hazapavietranaj sumiesi ŭ ciepłaabmieńniku. Jana adbyłasia padčas praviadzieńnia prafiłaktyčnych i ramontnych rabot u cechu vyparki škipinaru.

Pra vybuch pisali i ŭ sacyjalnych sietkach.

«Siońnia ŭ rajonie 15:30 mocna bachnuła z boku pramzony. Praź niepraciahły čas — sireny mašyn, jakija imčacca ŭ toj bok», — havorycca ŭ adnym z dopisaŭ.

«Vybuch byŭ vielmi mocny, i čuli jak padali roznyja askiepki, potym sirena… Sapraŭdy krychu byli na panicy, z pryčyny ŭsioj abstanoŭki ŭ Homielskaj vobłaści! Daj Boh, kab usie byli žyvyja i dziakuj Bohu, što heta nie źviazana sa SVA (vajnoj. — NN)!!!» — adznačyŭ aŭtar adnaho dopisu.

Žychar Śvietłahorska raskazaŭ «Našaj Nivie», što terytoryja kambinata była ačeplenaja. Šmat milicyi i śledčych. Bahata vylita pažarnaj pieny.

SK učora zajaviŭ, što kazać pra dakładnuju kolkaść zahinułych i paciarpiełych na Śvietłahorskim CKK rana, bo śledčyja pakul nie majuć dostupu da ŭsioj paškodžanaj terytoryi. Mahčyma, pad zavałami jašče jość ludzi. 

U 2020 hodzie na śvietłahorskim pradpryjemstvie ŭ vyniku vybuchu na čanie rakitavaha aleju zahinuŭ 40-hadovy zvarščyk Alaksandr Rusinovič.

Vytvorčaść bielenaj celułozy spačatku ŭzvodziła kitajskaja kampanija za kitajskija ž inviestycyi. Ale ŭ vyniku kanfliktu ŭ 2018 hodzie kitajcy admovilisia ad supracoŭnictva ź biełaruskim bokam. Davodzili da ładu abstalavańnie inšyja śpiecyjalisty.

Zapuścili novuju vytvorčaść u 2020 hodzie. Jana vyrablaje sulfatnuju bielenuju celułozu, jakuju vykarystoŭvajuć u papiarovaj vytvorčaści i vyrabie niekatorych budaŭničych materyjałaŭ.

«Naša Niva» — bastyjon biełaruščyny

PADTRYMAĆ

Hladzicie taksama:

U sankcyjny śpis ZŠA trapiła biełaruskaje pradpryjemstva «Śvietłahorsk Chimvałakno»

Navahrudak zastaŭsia biez vady: na centralnym vodapravodzie adbyłasia avaryja

«Brata 10 chvilin źbivali ŭ kvatery i vyvodzili ŭ kapiušonie, kab schavać kroŭ». Jak pomścili «rejkavym partyzanam»

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
1
Ого
1
Сумна
9
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930