Znajści
Ałharytmičny łacinski varyjant
03.06.2023 / 22:5511RusŁacBieł

Zialenski prapanuje Rasii «dypłamatyčny vychad» z najmienšymi stratami

Prezident Ukrainy Uładzimir Zialenski zajaviŭ, što kali Rasija choča «dypłamatyčnaha kirunku» ŭrehulavańnia vajny va Ukrainie, to jana pavinna vyvieści svaje vojski z akupavanych terytoryj, nie čakajučy siłavoj deakupacyi z boku Ukrainy. Vytrymki ź jaho intervju łacinaamierykanskim miedyja pryvodzić «UP». 

Prezident Ukrainy Uładzimir Zialenski. Fota: AP

«Kali Rasija choča dypłamatyčnaha kirunku, jany pavinny vyjści, nie čakajučy, pakul u nas zahinie šmat ludziej i my vyšturchniem ich siłaj. Ja liču, što heta vialikaja roźnica. Tak, vynik adnolkavy, z adnaho boku. Ale ja liču, što nie.

Ja liču, što my deakupujem našy terytoryi. Jakim čynam, dla mianie vielmi važna — hublać ludziej ci źmienšyć straty. I ad hetaha zaležyć potym, znoŭ ža, ci hatovyja my da luboha dyjałohu», — skazaŭ jon.

Zialenski padkreśliŭ, što toje, ci deakupuje Ukraina svaju terytoryju vajennym šlacham abo nie, zaležyć tolki ad Rasii.

«Siońnia heta bačać našy partniory. I ŭžo tyja krainy, jakija byli skieptyčnyja, naprykład Hiermanija, kancler Šolc, adkryta kažuć: «Ja liču, što z Rasijaj niama pra što havaryć, pakul jana nie vyjdzie z terytoryi». Źviarnicie ŭvahu: nie pakul Ukraina deakupuje, a pakul Rasija nie vyjdzie, tamu što tut jość łohika dla mianie.

Kali ty chočaš sa mnoj razmaŭlać i razmaŭlać z cyvilizavanym śvietam, ty pavinien nie čakać, pakul ciabie vybjuć siłaj. I vybjuć.

Tamu što, vybivajučy siłaj i vojskam, my hublajem ludziej. Pytańnie nie ŭ časie, boh ź im, dziela pieramohi my nie stamlajemsia. Kali my vybivajem siłaj, kali my ich vycieśnim z našaj terytoryi, pra što im z nami razmaŭlać? Jaki sens užo havaryć?

Ja dumaju, što tady Rasija budzie šukać sabie inšych lidaraŭ, jakija zmohuć znajści padychod da ŭsiaho cyvilizavanaha śvietu, znajści mahčymaść, kab ź imi ludzi niejkija sadzilisia choć pra niešta havaryć, bo paśla taho, što jany zrabili, da dyjałohu ź imi nichto nie hatovy. Heta kali my vybivajem siłaj, tamu takaja vialikaja roźnica».

Zialenski vykazaŭ upeŭnienaść u tym, što «luboje inšaje kiraŭnictva Rasijskaj Fiederacyi budzie šukać vyjście z hetaj situacyi» i navat rasijskaje hramadstva «ŭžo razumieje, što pytańnie ich unutranaha vybuchu — heta pytańnie času».

Prezident nazvaŭ padmienaj faktaŭ i paniaćciaŭ zajavy rasijskaha kiraŭnictva ab tym, što kali Rasija prajhraje ŭ hetaj vajnie, to jaje nie budzie.

«Kali my budziem bicca da kanca i vycieśnim ich siłaj, ich dakładna nie budzie ŭ tym vyhladzie, u jakim jany jość ciapier. Tamu što ŭ ich budzie vybuch hramadski, što jany stracili i dziaržavu, i pavahu, i miesca za dypłamatyčnym stałom i stracili vojska, usio stracili. U ich budzie ŭnutry revalucyja, dy nie adna. Tamu što vialikaja terytoryja, i roznyja ludzi, roznyja narody tam žyvuć. Tamu budzie šmat usiaho», — skazaŭ Zialenski.

Pavodle jaho słoŭ, dla kiraŭnictva RF «na siońnia prostaha vychadu ŭžo niama, bo jany zabojcy».

«Ale z najmienšymi stratami — u ich jość mahčymaść znajści dypłamatyčnaje vyjście ź situacyi. To-bok biez kul, biez vybuchaŭ, biez rakiet pačać vychodzić z našaj terytoryi», — skazaŭ jon.

Takim čynam Zialenski faktyčna adkazaŭ na słovy pres-sakratara Kramla Dźmitryja Piaskova, jaki zajaviŭ, što Uładzimir Pucin nibyta adkryty da lubych kantaktaŭ dla dasiahnieńnia met RF inšymi srodkami, čym vajnoj suprać Ukrainy.

Čytajcie taksama:

Padalak zajaviŭ, što rasijskija dobraachvotniki, jakija robiać dyviersii na terytoryi Rasii, bolš nie ŭvachodziać u skład USU

Zialenski zajaviŭ, što ŭkrainskaja armija hatovaja da kontrnastupu, a Kijeŭ raźličvaje ŭstupić u NATA paśla vajny

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
85
Панылы сорам
1
Ха-ха
5
Ого
2
Сумна
3
Абуральна
5
3
O da/adkazać/
04.06.2023
O, kak žie ty straždieš. Chorošo stradať v tiepłom i ujutnom miestie.
3
Biełhorodskaja Narodnaja Riespublika/adkazać/
04.06.2023
Ennot, pieriedajtie v kriemlevskij bunkier tielehrammu s pomietkoj sročno, čto liniju razhraničienija užie načali formirovať po linii Brians-Kurs-Biełhorod-Rostov-Krasnodar!
1
Jurieć/adkazać/
04.06.2023
niealena,tobi,chataskrajnik,z bulbi kraŝie bačiťsia!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera