Znajści
Ałharytmičny łacinski varyjant
02.06.2023 / 15:524RusŁacBieł

Łukašenka padpisaŭ rasparadžeńnie ab pavyšeńni efiektyŭnaści sistemy achovy zdaroŭja 

Pa vynikach narady, jakaja adbyłasia 23 maja 2023 hoda, na jakoj Alaksandr Łukašenka zrabiŭ raznos ajčynnaj miedycynie, jon padpisaŭ rasparadžeńnie «Ab pavyšeńni efiektyŭnaści raboty sistemy achovy zdaroŭja», paviedamlaje BIEŁTA. 

Dziaržaŭnaje ahienctva pakul daje raspłyvistyja farmuloŭki pieramien, jakija čakajuć miedykaŭ i pacyjentaŭ. 

Tak, na staršyń miascovych orhanaŭ ułady budzie ŭskładzienaja piersanalnaja adkaznaść za sanitarna-techničny stan budynkaŭ i zbudavańniaŭ ustanoŭ achovy zdaroŭja.

Ministerstvu achovy zdaroŭja dadzienyja daručeńni ab pierahladzie narmatyŭnych pravavych aktaŭ, jakija rehulujuć miedycynskuju i farmaceŭtyčnuju dziejnaść, akazańnie płatnych miedycynskich pasłuh, z ulikam pravaprymianialnaj praktyki. 

Što heta značyć, nie tłumačycca, ale paviedamlajecca, što, «u pryvatnaści, nieabchodna skarektavać paradak dyspansieryzacyi nasielnictva, skaracić terminy čakańnia vysokatechnałahičnych apieratyŭnych umiašańniaŭ i dyjahnastyčnych daśledavańniaŭ».

Daručana taksama pryniać dadatkovyja miery pa rašeńni prablemy niedachopu miedykaŭ, najbolš vostry deficyt jakich nazirajecca ŭ sielskaj miascovaści, pavyšeńni jakaści ich padrychtoŭki i zamacavańni na pracoŭnych miescach. Jakija heta dadatkovyja miery, nieviadoma.

Ale viadoma, što «budzie pierahledžany paradak naličeńnia zarabotnaj płaty miedrabotnikam z pavieličeńniem doli słužbovaha akładu».

Hetaksama dali daručeńni i pa zabieśpiačeńni raspracoŭki novych zapatrabavanych miedykamientaŭ, pavieličeńni abjomaŭ vytvorčaści i pašyreńni namienkłatury ajčynnych lekavych preparataŭ dy ŭdaskanaleńni sistemy kiravańnia farmaceŭtyčnaj halinoj.

Mižviedamasnaja rabočaja hrupa da kanca hoda pradoŭžyć pravierku sistemy achovy zdaroŭja, u tym liku manitorynh vyrašeńnia vyjaŭlenych prablemnych pytańniaŭ.

Dakłady ab vynikach praviedzienaj raboty prademanstrujuć Łukašenku ŭ studzieni 2024 hoda.

Čytajcie taksama:

U jakim stanie znachodzicca miedycyna praz amal 30 hod łukašenkaŭskaha kiravańnia? Heta tolki toje, što apubličyli

Novaje zapryhońvańnie miedykaŭ: ułady mianiajuć praviły ardynatury — z adpracoŭkaj piać hadoŭ i hihanckimi štrafami

U Minsku nie chapaje 3500 miedykaŭ, a ŭ Polšču za hod pierajechała stolki, što chapiła b ukamplektavać usie lakarni Brestčyny

«Ja nie źbiraŭsia kapać akopy». Miedyk z rajcentra raskazvaje, čamu bolš nie vytrymaŭ

U Škłovie zvolnili kiraŭnika rajonnaj balnicy. Ën zaklikaŭ raŭniacca na Łukašenku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
3
Ха-ха
4
Ого
1
Сумна
0
Абуральна
0
0
daviedka/adkazać/
02.06.2023
Łukašienko ustroił raznos biełorusskomu zdravoochranieniju, v riezultatie čieho sochranił post ministr Pinievič.
Łukašienko nie ustraivał raznos biełorusskim pohraničnikam, v riezultatie čieho był śniat priedsiedatiel Łappo.
0
Josik/adkazać/
02.06.2023
Dumaŭ, nie dačakajusia. Dziakuj, što b biez tvaich rasparadžeńniaŭ rabili b. Rasparadziŭsia sproščyć CE, tamaka daŭ paradu, jak karoŭ za cycki macać, daišnikam pakazaŭ, jak žezł trymać. Vo dzie nacyja złomkaŭ i niedarek, dzivu dajusia, jak šče nie źnikli. Navošta tabie, łukašenka, ministry? Siońnia adukacyjaj zajmaješsia, zaŭtra - drevaapracoŭka, u sieradu - sportam, i nadalej, jak ejsmant spłanuje. Lapała staroje.
0
No/adkazać/
02.06.2023
Za amal 30 hod siniapał raźnios na kavałki usiu krainu.
Ciarpicie dalej!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera