Znajści
Ałharytmičny łacinski varyjant
28.05.2023 / 09:391RusŁacBieł

TikTok raście, Google daminuje, a «Jandeks» hublaje pazicyi. Jakija jašče asnoŭnyja trendy bajnetu?

Źjaviŭsia śpis trendaŭ biełaruskaha internetu. Akazvajecca, TikTok dahaniaje Instagram, rekłamy robicca ŭsio bolš, a Google ŭsio jašče samy bujny hulec na rynku. Taksama stali viadomyja siarednija zarobki SMM-śpiecyjalistaŭ, kapirajtaraŭ i markietołahaŭ u Biełarusi. Pra ŭsio heta raskazali na Digital day Belarus — 2023, piša «Małanka.Media».

U Biełarusi ŭsio jašče niama nacyjanalnaha vymiaralnika internetu. Pra heta časta havorać, ale takaja inavacyja abydziecca dziaržavie ŭ bolš čym miljon dalaraŭ. Prytym nie fakt, što ŭkładańni akupiacca. Tamu adzinaj mahčymaściu zrazumieć, čym žyvie biełaruski internet, zastajecca Digital day Belarus — 2023.

Rasijski servis analityki JagaJam zrabiŭ analiz pavodzinaŭ biełarusaŭ u internecie i vyśvietliŭ, što biznes vielmi aktyŭny ŭ sacsietkach.

Kali ŭziać usie biełaruskija akaŭnty, to jany majuć 771 młn padpisčykaŭ. Samyja papularnyja sietki pry hetym — Instagram, YouTube, «VKontaktie» i TikTok. Facebook vielmi adstaje (u adroźnieńnie ad Jeŭropy, dzie jon vielmi papularny).

Taksama ciapier asnoŭny ruchavik internetu — moładź i dzieci. Top tem, jakija cikaviać biełarusaŭ, — «styl žyćcia» i «šou dy humar».

Cikava, što analityki JagaJam raskazali pra vialiki adtok biełaruskich akaŭntaŭ u Rasiju. U mnohich biełarusaŭ ciapier bolšaja častka padpisantaŭ— heta rasijskaja aŭdytoryja. Vialikaja kolkaść błohieraŭ žyvie na 2—4 krainy.

Kali kazać pra kamiercyjnyja akaŭnty, to ŭ topie ŭsie ź biełaruskimi karaniami. U asnoŭnym heta hulni, ale jość i surjozny biznes, nie źviazany ź internetam.

Što tyčycca tendencyj bajnetu, to chutčej za ŭsio raście TikTok. Pa prahladach jon dahaniaje Instagram.

Taksama bolš ludziej pačynajuć pracavać u markietynhu, rekłamie i PR. SMM-mieniedžar u pieršyja piać miesiacaŭ svajoj pracy ŭ siarednim zarablaje 1020 rubloŭ (z mahčymymi premijami). Kali havaryć pra pracu z kampanijami, to siaredni zarobak ad 500 da 2000 rubloŭ. U kapirajtaraŭ prykładna taja ž situacyja.

U biełaruskim internecie pa-raniejšamu daminuje Google. Pavodle acenki dyrektara i suzasnavalnika Webcom Group Siarhieja Caryka, dola amierykanskaha hihanta ŭ 2022 hodzie padrasła da 62%. Druhoje miesca zajmaje Meta z rejtynham 18%. U toj ža čas «Jandeks» usio bolš hublaje papularnaść — 15%, i heta na 4% mienš, čym letaś.

Caryk upeŭnieny, što kardynalnych źmien u najbližejšy čas nie budzie. Ale, praŭda, jon zrabiŭ ahavorku, što nichto nie moža pradkazać niečakanych źmien va ŭmovach pracy servisaŭ u Biełarusi i Rasii.

Čytajcie taksama:

ChatGPT, Bing i Alisa: jakaja ź niejrasietak lepiej vałodaje biełaruskaj movaj i razumieje naš kantekst? Teścim

Što chvaluje biełaruskuju moładź i kolki ź ich chočuć zastavacca ŭ krainie

Voś jakija novyja technałohii najbolš zapatrabavanyja niemaładymi ludźmi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
1
Ха-ха
1
Ого
3
Сумна
1
Абуральна
0
0
K121/adkazać/
28.05.2023
Ja čto-to nie mohu sootniesti sodieržanije staťji s ischodnymi dannymi JagaJam. Jeśli vieriť hrafikam JagaJam, to vtoraja po popularosti sieť v Biełarusi - eto "Odnokłaśśniki", kotoraja za poślednije dva hoda vyrosła po summie prosmotrov v 7,5 raz (čuš kakaja-to!). Pri etom v staťje "Odnokłaśśniki" voobŝie nie upominajutsia. Ja čieho-to nie ponimaju? Možiet, kto pojaśnit? Budu priznatielen.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930