Znajści
Ałharytmičny łacinski varyjant
05.05.2023 / 22:55RusŁacBieł

Polski MZS pra Pačobuta: Bolš składana naškodzić tamu, pra kaho viedaje ŭvieś śviet

Polskaja dypłamatyja maje vielmi abmiežavany kantakt z Andrejem Pačobutam, ale jana robić usio dla jaho vyzvaleńnia, zajaviŭ aficyjny pradstaŭnik MZS Łukaš Jasina 5 maja ŭ efiry radyjostancyi RMF FM.

Andrej Pačobut za kratami

«My robim usio dla jaho vyzvaleńnia, ale hetaha niedastatkova, tamu što pakul my nie ŭ stanie vyciahnuć jaho z turmy. Praz Andreja Pačobuta my nie zakryvajem kanały suviazi ź Minskam, šmat havorym pra heta na mižnarodnym uzroŭni. Bolš składana naškodzić tamu, pra kaho viedaje ŭvieś śviet, kaho nie zabylisia ŭ turmie», — padkreśliŭ pradstaŭnik polskaha źniešniepalityčnaha viedamstva.

Jon zaznačyŭ, što vielmi abmiežavany kantakt z Pačobutam abumoŭleny tym, što jon — hramadzianin Biełarusi i ŭłady ŭ hetym płanie «stroha vykarystoŭvajuć miascovaje zakanadaŭstva».

Pry hetym Jasina padkreśliŭ, što nie varta zanadta abnadziejvacca:

«Addaju pieravahu tamu, kab ab mahčymym vyzvaleńni Pačobuta było abvieščana tolki tady, kali jano adbudziecca. Tamu što nieabhruntavanaja nadzieja była b padobnaja da zdrady Andreju Pačobutu i naniasieńnia škody jaho blizkim».

Žurnalista Andreja Pačobuta 8 lutaha Hrodzienski abłasny sud pryhavaryŭ da vaśmi hadoŭ pazbaŭleńnia voli ŭ kałonii ŭzmocnienaha režymu.

Čytajcie taksama:

«U Biełarusi dla palakaŭ ciapier najhoršaje stanovišča ŭ śviecie» — Kancylaryja prezidenta Polščy

Sakret niazłomnaści. Andrej Pačobut, zakładnik Alaksandra Łukašenki, śviatkuje 50-hodździe ŭ turmie

«Kali Pačobuta adpuściać zaŭtra, to pierachod u «Babroŭnikach» budzie adkryty paślazaŭtra», — kiraŭnik MUS Polščy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
1
Ого
0
Сумна
2
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930