Znajści
Ałharytmičny łacinski varyjant
05.05.2023 / 16:303RusŁacBieł

U Mahilovie adkryli pamiatnuju došku savieckamu čekistu-raźviedčyku

Čytačy vydańnia Mogilev.media zaŭvažyli cyrymoniju adkryćcia miemaryjalnaj doški čekistu i raźviedčyku Lvu Manieviču, jakoha ličać pravobrazam Šcirlica. Doška ŭstalavanaja na budynku liceja Biełaruska-Rasijskaha ŭniviersiteta na vulicy Leninskaj. Licej, jak vyśviatlajecca, nosić imia Manieviča.

Papiarednie ŭ aficyjnych krynicach pra adkryćcio doški nie paviedamlałasia, a na miescy mierapryjemstva byli zaŭvažanyja ludzi ŭ cyvilnym adzieńni, jakija pieraškadžali niekatorym minakam fatahrafavać cyrymoniju i navat vyklikali milicyju.

Leŭ Manievič naradziŭsia ŭ Čavusach u jaŭrejskaj siamji. Z malenstva jon žyŭ u Jeŭropie, ale paśla 1917 hoda viarnuŭsia na radzimu i staŭ słužyć u Čyrvonaj armii. Jak čałaviek, jaki mieŭ vopyt žyćcia ŭ Jeŭropie i svabodna vałodaŭ niekalkimi movami, jon byŭ zavierbavany ŭ raźviedku i adpraŭleny dla špijonskaj dziejnaści ŭ Zachodniuju Jeŭropu. Tam Manievič stvaryŭ razhalinavanuju sietku infarmataraŭ, ale byŭ aryštavany i na praciahu ŭsioj Druhoj suśvietnaj vajny ŭtrymlivaŭsia ŭ źniavoleńni. Jahonaha jaŭrejskaha pachodžańnia niemcam vykryć nie ŭdałosia.

U 1945 hodzie Manievič byŭ vyzvaleny amierykancami, ale amal adrazu pamior ad suchotaŭ. Niekatoryja miarkujuć, što jon adzin z pravobrazaŭ hieroja ramanaŭ Julijana Siamionava — Šcirlica.

Viadoma, što inicyjataram ustalavańnia pamiatnaj doški Lvu Manieviču vystupiła ŭpraŭleńnie KDB pa Mahiloŭskaj vobłaści.

Čytajcie taksama:

Aršanskija ŭłady admovilisia źmianić ruskamoŭnuju častku miemaryjalnaj doški ŭ honar Uładzimira Karatkieviča

U Mahilovie źbirajuć hrošy na pomnik rasijskamu hubiernataru

U Mahilovie źbirajucca ŭstalavać miemaryjalnuju šyldu Barysu Maisiejevu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
4
Ха-ха
1
Ого
0
Сумна
0
Абуральна
11
1
Uład/adkazać/
05.05.2023
Nijakaha paraŭnańnia so Šcirlicam tut być nia moža. Manievič pracavaŭ na suśvietnuju revalucyju pad kiraŭnictvam Maskvy, pracavaŭ jašče da vajny. Takich ahientaŭ ŭ Jeŭropie było šmat. A ŭsiu vajnu jon pravioŭ za kratami.
4
Analtol Sovkou/adkazać/
05.05.2023
MNR
0
Tgg/adkazać/
06.05.2023
Hanba.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930