Znajści
Ałharytmičny łacinski varyjant
05.05.2023 / 14:49RusŁacBieł

ŚMI pakazali nastupstvy pažaraŭ na rasijskich naftabazach u Tamani i Sievastopali

Spadarožnikavyja zdymki nastupstvaŭ pažaru na bazie kampanii «Tamańnaftahaz» pobač z rasijskim portam Tamań i na naftabazie ŭ porcie Sievastopala apublikavała «Radyjo Svaboda».

Na zdymku bačny paškodžany ahniom reziervuar z palivam. Žurnalisty taksama atrymali dostup da spadarožnikavych fatahrafij z vysokaj jakaściu, jakija bolš padrabiazna pakazvajuć maštab paškodžańniaŭ naftabazy ŭ porcie anieksavanaha Sievastopala, atakavanaj 29 krasavika.

Na adnym sa zdymkaŭ vidać, što prynamsi dva reziervuary, jakija zastalisia cełymi, atrymali paškodžańni ŭ vyniku hareńnia susiednich.

Što papiaredničała hetamu, zhadvaje «Ukrainskaja praŭda».

3 maja ŭ pasiołku Chvala Krasnadarskaha kraja, raźmieščanym kala porta Tamań i niepadalok ad Krymskaha mosta, zaharełasia naftabaza. Pryčyny — nieviadomyja.

29 krasavika ŭ Kazačaj buchcie Sievastopala bieśpiłotnik udaryŭ pa naftabazie i jana zaharełasia.

A ŭžo 4 maja ŭ tym samym Krasnadarskim krai zahareŭsia reziervuar Ilskaha naftapierapracoŭčaha zavoda. Na hety raz viadoma, što pažar uspychnuŭ u vyniku papadańnia bieśpiłotnika.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
0
Ха-ха
1
Ого
0
Сумна
0
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930