Znajści
Ałharytmičny łacinski varyjant
01.04.2023 / 17:365RusŁacBieł

Čamu źjaŭlajecca šum uvuššu i jak ad jaho pazbavicca

Bolš za 750 miljonaŭ čałaviek u śviecie majuć šum u vušach. Chtości čuje zvon, niechta — visk, šypieńnie abo šum vady. Hetaja źjava, jakuju ŭ miedycynie nazyvajuć tynitus, moža być vyklikana roznymi pryčynami — ad straty słychu, źviazanaj sa stareńniem, da akustyčnaj traŭmy i vušnych infiekcyj.

Fota: Freepik.com

Niekatorym zdajecca, što šum čujecca ŭ vuchu. Inšyja miarkujuć, što niešta adbyvajecca ŭ mozhu. Ale nichto nie viedaje dakładna.

Tamu pieršaje, što treba zrabić, — heta źviarnucca da lekara.

Kali pacyjenty heta robiać, mnohija ź ich užo ŭciahnutyja ŭ cykł stresu: šum u vušach uzmacniaje stres, stres uzmacniaje šum u vušach, jaki ŭzmacniaje stres, i hetak dalej.

Tamu vielmi važna, kab lekar zapeŭniŭ vas u tym, što šum u vušach nie ŭjaŭlaje niebiaśpieki dla žyćcia. Kali doktar prychodzić da vysnovy, što huk nie jość prykmietaj ci simptomam čahości bolš surjoznaha, ludzi supakojvajucca i ŭžo dalej mohuć paśpiachova spravicca sa svaim šumam u vušach. Meta ŭ tym, kab pacyjenty dasiahnuli stanu, kali šum nie adciahvaje ich uvahu na praciahu dnia i nie pieraškadžaje im spać unačy.

Pryčyny šumu — ad stresu da prablem z kryvianosnymi sasudami

Časta šum u vušach źjaŭlajecca ŭ vyniku akustyčnaj traŭmy — hukaŭ ahniastrelnaj zbroi, elektrainstrumientaŭ, MRT ci prosta muzyki na kancercie. Choć u bolšaści vypadkaŭ taki šum časovy.

Inšyja faktary, jakija mohuć vyklikać šum u vušach ci spryjajuć jamu, — heta emacyjny stres, infiekcyi nasavych pazuch, lichamanka, hryp, a taksama spažyvańnie kafieinu, nikacinu, ałkaholu i takich lekaŭ, jak aśpiryn, ibuprafien i inšych niesteroidnych supraćzapalenčych preparataŭ. Kali ludzi pierastajuć chvareć, pieražyvać stres abo ŭžyvać nazvanyja rečyvy, šum u vušach zvyčajna prachodzić ci, prynamsi, stanovicca mienšy.

Ludziam, jakija adčuvajuć šum u vušach, taksama treba abśledavać vušy, kab vyklučyć prostyja pryčyny kštałtu nazapašvańnia vušnoj siery, infiekcyi abo adtuliny ŭ barabannaj pieraponcy.

Tym ža, chto čuje ŭ vuchu svoj puls, — dakładna varta źviarnucca pa miedycynskuju dapamohu. Bo taki pulsujučy šum moža być źviazany z anamalijaj u adnym z kryvianosnych sasudaŭ pobač z vucham. Časta hetyja anamalii možna vylečyć, i šum moža być pamienšany ci navat prybrany.

Što moža dapamahčy ad šumu ŭ vušach

Kali vaš šum u vušach nie simptom niejkaha asnoŭnaha zachvorvańnia, lekary rajać roznyja niemiedycynskija varyjanty, jakija mohuć jaho pamienšyć ci zamaskiravać.

Naprykład, huk u vušach možna zahłušyć fonavym šumam: na YouTube jość šmat videa, jakija hienierujuć śpiecyjalny huk i mohuć takim čynam prybrać tynitus. Jość taksama adpaviednyja prahramy dla smartfonaŭ. Kamuści zamaskiravać šum u vušach dapamahajuć kandycyjaniery, vientylatary, televizary i radyjopryjomniki.

Isnujuć taksama śpiecyjalnyja pryłady, jakija źmiaščajucca ŭ vucha. Zaprahramavanyja aŭdyjołaham, jany vydajuć ton toj ža vyšyni, što i šum u vušach, i takim čynam dapamahajuć niejtralizavać unutrany huk.

Dla ludziej sa strataj słychu šum u vušach mohuć maskiravać zvyčajnyja słychavyja aparaty, jakija dadajuć fonavy šum, ale pry hetym dapamahajuć pacyjentam čuć.

Kamuści dapamahajuć antydepresanty i zaspakajalnyja preparaty.

Jašče adzin padychod — kahnityŭna-pavodzinnaja terapija. Jana moža dapamahčy ludziam, u jakich depresija, tryvoha, posttraŭmatyčnaje stresavaje rasstrojstva, strasieńnie mozhu abo traŭmy hałaŭnoha mozhu. U hetym vypadku, pacichu pamianšajučy stres, ludzi vučacca prystasoŭvacca i žyć z šumam u vušach, a nie zmahacca ź im.

Čytajcie jašče:

Vosiem sposabaŭ palepšyć pracu mozhu

«Tekstavaja šyja». Šmat času siadzicie za kampjutaram i śpina pačynaje heta adčuvać? Padkazvajem, jak z hetym zmahacca 

Jakija abśledavańni treba prachodzić žančynie paśla 40 hadoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
41
Панылы сорам
7
Ха-ха
11
Ого
25
Сумна
43
Абуральна
71
3
vydalena-vydalena/adkazać/
01.04.2023
a kazaŭ ža mnie muž, što vy tolki junhaŭ lubić možacie 
4
Žvir/adkazać/
01.04.2023
vydalena-vydalena, słuchajcie muža, jon vam ni ŭ čym nie zmanić, hołas rozumu. :)
0
vydalena-vydalena/adkazać/
02.04.2023
Žir, a vy nikoli nie manicie mužu?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930