Znajści
Ałharytmičny łacinski varyjant
25.03.2023 / 16:20RusŁacBieł

Doktarka raskazała, ci sapraŭdy žavalnaja humka abaraniaje ad karyjesu

Mnohija ŭpeŭnienyja, što žavalnaja humka abaraniaje zuby ad karyjesu. Ale ci tak heta? «Źviazda» spytałasia ŭ dziciačaha stamatołaha 3-j haradskoj dziciačaj kliničnaj palikliniki Ały Hrabniovaj.

Śpiecyjalist adznačaje, što raźvićcio karyjesu zuboŭ źjaŭlajecca šmatfaktarnym pracesam. Pačatkovym źvianom źjaŭlajecca ŭtvareńnie kisłaty ŭ zubnym nalocie. Uździejničajučy na zub, kisłata moža rastvarać kalcyj i fasfat z emali zuba. Daśledavańni pakazali, što paśla pryjomu ježy patencyjalna karyjesahienny ŭzrovień PH śliny moža zachoŭvacca da dźviuch i bolš hadzin, asabliva ŭ mižzubnych zonach.

Siarod usich achoŭnych faktaraŭ, jakija hetamu supraćdziejničajuć, ślina adyhryvaje samuju vialikuju rolu.

— Užyvańnie žavalnaj humki — nadzvyčaj raspaŭsiudžanaja zvyčka ŭ śviecie. Vysokaja cikavaść da jaje ŭ stamatołahaŭ abumoŭlenaja dźviuma stanoŭčymi ŭłaścivaściami. Pa-pieršaje, žavańnie humki pavialičvaje chutkaść ślinavydzialeńnia ŭ 3—10 razoŭ. Akramia taho, žavańnie humki prymušaje ślinu pastupać u ciažkadastupnyja mižzubnyja ŭčastki. Ślina dziejničaje jak naturalnaja achoŭnaja sistema arhanizma, niejtralizujučy kisłoty zubnoha nalotu i palapšajučy vydaleńnie reštkaŭ ježy ź ciažkadastupnych učastkaŭ. Tamu stymulavańnie ślinavydzialeńnia ŭjaŭlaje pieršaradnuju važnaść, — tłumačyć doktar.

Pa-druhoje, stanoŭčaja ŭłaścivaść žavalnych humak źviazanaja z uviadzieńniem u ich skład cukrazamianialnikaŭ, takich jak ksilitoł, sabitoł, manitoł, jakija słaba ci naohuł nie rasščaplajucca bakteryjami połaści rota z utvareńniem arhaničnych kisłot. Daśledavańni pakazali, što žavańnie humak, jakija nie źmiaščajuć cukru, 10—15 chvilin paśla ježy adnaŭlaje značeńnie PH zubnoha nalotu da biaśpiečnych uzroŭniaŭ. Tym časam adbyvajecca stymulacyja ślinavydzialeńnia i naturalnaj achoŭnaj sistemy arhanizma suprać paražeńnia zuboŭ karyjesam.

Niekatoryja vytvorcy pavialičvajuć supraćkaryjoznyja ŭłaścivaści žavalnaj humki, uklučyŭšy ŭ jaje skład minieralnyja dadatki kalcyju, fasfataŭ ci ftoru dla pavyšeńnia reminieralizacyjnych ułaścivaściaŭ śliny. U ciapierašni čas majucca pierakanaŭčyja danyja ab supraćkaryjoznaj efiektyŭnaści ftorźmiaščalnaj žavalnaj humki. Adnak užyvańnie hetaha padychodu dla prafiłaktyki karyjesu maje vielmi istotnaje abmiežavańnie: žavalnaja humka ŭ śviadomaści nasielnictva ŭsprymajecca chutčej jak kandytarski vyrab, a nie lekavy srodak. Tamu kantralavać sutačnuju dozu ŭžyvańnia ftorźmiaščalnaj žavalnaj humki i, takim čynam, pastupleńnie ftoru ŭ arhanizm, praktyčna niemahčyma. Takija žavalnyja humki pavinny ŭžyvacca tolki pa rekamiendacyi ŭrača i mieć abmiežavańni na raspaŭsiudžvańnie praz šyrokuju handlovuju sietku.

Žavańnie humki, jakaja nie ŭtrymlivaje cukru, moža być rekamiendavanaje jak vielmi karysny dadatak da asnoŭnych srodkaŭ hihijeny połaści rota:

  • žavalnaja humka źjaŭlajecca dadatkovym srodkam, ale nie zamianiaje rehularnuju čystku zuboŭ;
  • stymuluje chutkaść ślinavydzialeńnia ŭ 3—10 razoŭ;
  • dapamahaje niejtralizavać kisłoty zubnoha nalotu;
  • sadziejničaje praniknieńniu śliny ŭ ciažkadastupnyja mižzubnyja ŭčastki;
  • dapamahaje vydalić reštki ježy;
  • aśviažaje dychańnie;
  • vykarystańnie žavalnaj humki daje dadatkovuju žavalnuju nahruzku na zuby, što dazvalaje zabiaśpiečyć treninh žavalnych myšcaŭ i paradonta (kalazubnaj tkanki).

Čytajcie taksama:

Jak charčavacca pry zachvorvańniach ščytapadobnaj załozy

Sa smakam i vodaram. Jak charčavacca pry jaźvie straŭnika

Źmiena zvyčak zapavolvaje stareńnie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
0
Ха-ха
0
Ого
4
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930