Znajści
Ałharytmičny łacinski varyjant
04.02.2023 / 12:5513RusŁacBieł

Milicejski telehram-kanał, dzie publikujuć videa z represavanymi, vypadkova vydaŭ svaich adminaŭ

Na hetym kanale publikavalisia ŭ tym liku videa z zatrymanymi pa palityčnych spravach. Kanał, jak i inšyja padobnyja, nie tolki parušaje prezumpcyju nievinavataści, ale i raspalvaje varožaść pa prykmietach palityčnych pohladaŭ, nacyjanalnaj i seksualnaj prynaležnaści, źnievažaje nacyjanalnyja pačućci biełarusaŭ.

Havorka idzie pra kanał «Obratnaja storona». Dakumient sa śpisam viadoŭcaŭ kanała vypadkova vykłaŭ tudy niechta z administrataraŭ.

Skrynšot dakumienta, jaki vypadkova byŭ apublikavany ŭ kanale 

Akazałasia, što struktura, jakaja adkazvaje za viadzieńnie kanała, — heta Upraŭleńnie infarmacyi i hramadskich suviaziaŭ (UIHS) Ministerstva ŭnutranych spraŭ. Padraździaleńnie, jakoje za heta adkazvaje, maje ruskamoŭnuju abrevijaturu ORIKS. Heta novaje padraździaleńnie, nazva, chutčej za ŭsio, rasšyfroŭvajecca jak adździeł pa rabocie ŭ infarmacyjna-kamunikacyjnaj śfiery ci adździaleńnie pa rabocie ŭ internecie i kamunikacyjnaj śfiery.

Hrafik dziažurstvaŭ na kanale skłaŭ padpałkoŭnik Siarhiej Ivanavič Baśko. Jamu 45 hadoŭ i jon skončyŭ fiłfak BDU ŭ 2000-m hodzie, ale pajšoŭ pracavać u milicyju.

Siarhiej byŭ aŭtaram sajta MUS, pradstaŭnikom UUS Minskaj vobłaści, a paśla pajšoŭ na pavyšeńnie i zahadvaje cełym adździełam va UIHS.

Siarhiej Baśko. Skrynšot Youtube-kanała Biełteleradyjokampanii

Padčas pratestaŭ u horadzie Žodzina Baśko vydavaŭ siabie spačatku za pratestoŭca, a paśla za apieratara niezaležnych ŚMI i tajemna zdymaŭ udzielnikaŭ pratestaŭ.

Takoje fota raspaŭsiudžvałasia pa telehram-čatach i tvitary ŭ kastryčniku 2020 hoda

Baśko — staršy inśpiektar pa asablivych daručeńniach. Ale dakumient pavinien padpisvać načalnik padraździaleńnia. Chto ž tady kiruje ORIKS? Dakumient, jaki adminy milicejskaha kanała vypadkova źlili, byŭ stvorany ŭ mai 2021 hoda karystalnikam «Saša». U śpisie dziažurstvaŭ jość Alaksandr Marčanka. Jaho hrafa pustaja — imavierna, jon u adpačynku. Možna mierkavać, što jon i jość načalnik adździeła.

Alaksandr Marčanka. Skrynšot videa MUS

Marčanku 38 hadoŭ, jon skončyŭ Akademiju MUS. Pracavaŭ u pres-centry transpartnaj milicyi, UIOS MUS, potym u pres-centry Minabłvykankama. «Vykanaŭčy. Daduć zahad — budzie vykonvać», — kažuć pra jaho. 

U kanale, za jaki adkazvaje ORIKS, aproč kryminalnych navin vykładajuć videa z zatrymanymi za palityku i vykarystoŭvajuć adpaviednuju leksiku. Biełaruski nacyjanalny ściah tam nazyvajuć «anučaj», Kaleśnikavu — «ałkahaličkaj». U mnohich palityčnych pastach možna znajści elemienty raspalvańnia nacyjanalnaj ci sacyjalnaj varožaści abo źniavahi honaru, hodnaści i dziełavoj reputacyi. 

Kanał «Obratnaja storona», jak vynikaje z hrafika dziažurstvaŭ, viadzie tolki hetaje padraździaleńnie, bo tolki jaho supracoŭniki dziažurać pa vychadnych.

A voś manitorynham niedziaržaŭnych miedyja (litara «M» u hrafiku) zajmajucca roznyja adździeły. Kožny dzień (u tym liku ŭ vychadnyja) vydzialajecca śpiecyjalny čałaviek, jaki čytaje anłajn-ŚMI i telehram-kanały pa śpisie: «Naša Niva», «Zierkało», «Niechta» i h. d. 

Anałahičnyja padraździaleńni, jakija zajmajucca manitorynham miedyja, imavierna, jość i ŭ Ministerstvie abarony, i ŭ Administracyi prezidenta.

Sam kanał byŭ stvorany ŭ kastryčniku 2020 hoda, ale mieŭ inšy juziernejm — propolice_by. Pierajmienavaŭsia jon u lutym 2022-ha.

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
22
Ха-ха
53
Ого
2
Сумна
3
Абуральна
101
2
Źmitrok Mahiloviec/adkazać/
04.02.2023
Los Juliusa Štrejkiera im nieviadomy, bo kali b viedali, to šmvt chto z hentych "milicyjantaŭ" 100500 razoŭ padumaŭ "što tam u budučym ich moža čakać?!".... Žyćcie takaja materyja, što nichto nia viedaje, što budzie zaŭtra i duža bahata na niečakanyja pavaroty...
3
Kriendiel /adkazać/
04.02.2023
[Red. vydalena]
1
Supovoj pakietik/adkazać/
05.02.2023
ołd, ja by połnosťju sohłasiłaś s Vami, no istina, kak vsiehda - posieriedinie. I vopijuŝije prokoły łukašistov ubieditielno o tom śvidietielstvujut...
Nu, a nasčiet Koleśnikvooj - tut dažie sporu niet, Vy pravy!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930