Znajści
Ałharytmičny łacinski varyjant
31.12.2022 / 21:5649RusŁacBieł

Historyja paskoryłasia, my parviom kajdany dyktatury — navahodni zvarot «Našaj Nivy»

U 2022 hodzie my stali śviedkami vialikaha pierałomu. Hod, jaki dyktatary spadziavalisia zrabić hodam svajho vialikaha tryumfu, pryvioŭ ich na miažu katastrofy.

My pabačyli, chto śmialejšy — Pucin ci Zialenski; chto razumniejšy — Šajhu ci Załužny; jakaja sistema bolš efiektyŭnaja — zachodniaja demakratyja ci jeŭrazijskija dyktatury. Ci my razumieli heta hod tamu? Nie ŭsie.

U kožnaha sa svabodnych narodaŭ daroha da svabody była svajoj — ni ŭ koha jana nie była karotkaj. 

Z 2020 hoda ŭ Biełarusi praciahvajucca represii, jakich śviet u XXI stahodździ nie bačyŭ. Hetuju staronku ŭžo nie vykraślić z našaj historyi. Biełaruś pieratvaryłasia ŭ palicejskuju dyktaturu, jakaja za ščodruju apłatu z Maskvy trymaje ŭ strachu i rabstvie vialiki jeŭrapiejski narod. Ale jak vyprabavańni pakazali siłu Zachadu i hieraizm ukraincaŭ, tak i biełarusy pakazali ŭ 2022-m svaje najlepšyja rysy.

17 hierojaŭ-biełarusaŭ addali svaje žyćci za svabodu i niezaležnaść Biełarusi i Ukrainy. Uspomnim ich za śviatočnymi stałami. Uspomnim i tyja tysiačy najlepšych z najlepšych biełarusaŭ, jakija zastajucca za kratami.

Nichto nie skaža, što biełarusy padtrymlivajuć Łukašenku i vajnu, pakul tysiačy palitviaźniaŭ kryvioj sa svaich hrudziej dakazvajuć advarotnaje samim faktam svajho znachodžańnia za kratami. Hieraizm palitviaźniaŭ, rozum našych lidaraŭ, ćviordaść kožnaha z nas urešcie stočać kajdany tupoj dyktatury.

Za jakimi stałami my b ni siadzieli siońnia, u kniaskim Połacku ci ŭ karaleŭskim Navahradku, u šumlivym Minsku ci na rodavym chutary, u akopach pad Bachmutam ci navapołackaj kałonii, my ŭsie siońnia skažam heta: «Na nastupny hod — u svabodnaj Biełarusi!» I my nie stomimsia, i my nie źniavierymsia heta paŭtarać stolki, kolki treba. A 2023 hod — chaj jon nas ździvić, chaj jon rasstavić usio na zakonnyja miescy chutčej, čym u našych samych śmiełych marach.

Red.

Chočaš padzialicca važnaj infarmacyjaj
ananimna i kanfidencyjna?

Клас
117
Панылы сорам
2
Ха-ха
2
Ого
2
Сумна
1
Абуральна
2
1
Anatol Starkou/adkazać/
03.01.2023
Mikoła))), Kali takich jak ty, to heta nie hrech.
0
RyBa/adkazać/
03.01.2023
Valadzimir, ja pra toje, što vy niby chočacie viarnucca ŭ toj čas, u toje Kniastva... adkinuŭšy (niezvažajučy na) historyju (padziei, pracesy), što była apaśla tych časoŭ?
0
Valadzimir/adkazać/
03.01.2023
RyBa, ja nie za toje, kab viarnucca ŭ VKŁ, "tudy", a naadvarot - kab VKŁ, jahonuju sapraŭdnujuhistoryju i ideju, pakładzienuju ŭ jaho padmurak, viarnućsiudy. Tamu što tutejšy narod, jaki sfarmavaŭsia, jak adno cełaje, mienavita ŭ VKŁ, nie viedajučy hetaha (sapraŭdnaj historyi i pieršaidei VKŁ), nie viedaje, nie razumieje i samaho siabie, - i tamu nie maje subjektnaści, i niepaźbiežna (užo, mahčyma, davoli chutka) budzie kančatkova pahłynuty susiedziami.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera