Znajści
Ałharytmičny łacinski varyjant
24.11.2022 / 08:042RusŁacBieł

ISW: Kreml źbivaje z pantałyku Zachad, kab prymusić Ukrainu pajści na pieramovy

Kreml nie adstupiŭ ad svaich maksimalisckich metaŭ pa adnaŭleńni kantrolu nad Ukrainaj, a tolki častkova zacianiaje mety Rasii, kab uvieści ŭ zman zachodnija krainy i prymusić ich akazać cisk na Ukrainu, kab jana paprasiła ab miry, pišuć u čarhovaj zvodcy ekśpierty amierykanskaha Instytuta vyvučeńnia vajny (ISW).

Fota: AP

Pres-sakratar Kramla Dźmitryj Piaskoŭ 21 listapada zajaviŭ, što źmiena dziejučaj ułady va Ukrainie nie źjaŭlajecca metaj rasijskaj «śpiecyjalnaj vajennaj apieracyi», adznačyŭšy, što prezident Rasii Uładzimir Pucin «užo havaryŭ pra heta», choć sam Pucin pa sutnaści havaryŭ prama supraćlehłyja rečy.

Zatumańvańnie Kramlom svaich metaŭ, vierahodna, raźličanaje na zachodniuju aŭdytoryju, tym nie mienš, źbivaje z pantałyku rasijskich prychilnikaŭ vajny. Adzin z «vajenkaraŭ» u adkaz na zajavu Piaskova sarkastyčna zaŭvažyŭ, što Rasija viadzie vajnu biez vyraznaj mety.

Nierašučaść Kramla ŭ pytańni publičnaj prychilnaści ekstremalnaj ideałohii i praciahu vajny taksama vyklikaje ździŭleńnie ŭ prapahandystaŭ, jakija prapaviedujuć takuju ideałohiju rasijskim masam.

Pucin u cełym imkniecca bałansavać pamiž rezkimi nacyjanalistyčnymi tezisami, kab zaručycca padtrymkaj nacyjanalistyčna nastrojenaj supolnaści, i bolš pamiarkoŭnymi tezisami, kab zachavać padtrymku astatniaj častki rasijskaha nasielnictva.

Vajennyja niaŭdačy Rasii i rost achviaraŭ, jakich Pucin patrabuje ad rasijskaha naroda dla praciahu ŭvarvańnia, robiać jaho naŭmysnaje zatumańvańnie rozumu i sproby rytaryčnaha bałansavańnia bolš reljefnymi, raspalvajučy niezadavolenaść siarod krytyčna važnych hrup nasielnictva.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
2
Ха-ха
1
Ого
0
Сумна
1
Абуральна
4
0
Mojša/adkazać/
24.11.2022
Kramlu vieryć nielha, heta musić być pastułat bo ruskija praŭdy nie havorać, chłusić ich nacyjanalnaja rysa. Kali ty hetaha nie razumieješ to ty durak.
0
Hryška/adkazać/
24.11.2022
Cyvilizavany śviet nie pavinien trapić u hetuju rasiejskuju pastku. Rasieja chłusiła, chłusić i budzie chłusić pra svaju vajnu suprać Ukrainy
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930