Znajści
Ałharytmičny łacinski varyjant
27.04.2022 / 00:40RusŁacBieł

Pres-sakratar MZS: List Makieja — dypłamatyčnaja rucina

Kiraŭnik MZS Biełarusi Uładzimir Makiej adpraviŭ list z «zaprašeńniem da narmalnaści» niekalkim dziasiatkam ministraŭ krain ES z nahody 30-hodździa dypłamatyčnych adnosin ź Jeŭrapiejskim sajuzam. Pra heta ŭ efiry biełaruskaha dziaržaŭnaha telebačańnia raskazaŭ pres-sakratar MZS Anatol Hłaz, piša reform.by.

Anatol Hłaz. Fota: tvr.by

Pa viersii Hłaza, heta była dypłamatyčnaja rucina, a iluzij z nahody krokaŭ u adkaz nasustrač z boku ES biełaruski bok nie mieŭ.

«Vialikich iluzij u dačynieńni da taho, što naša zaprašeńnie da narmalnaści budzie naležnym čynam uspryniata, my nie mieli, ale praciahnuć ruku — heta byŭ naš dypłamatyčny abaviazak, jaki my vykanali», — patłumačyŭ pres-sakratar.

Jon raskazaŭ, što list byŭ nakiravany niekalkim dziasiatkam ministraŭ, ale pazityŭnaha adkazu nie było ni ad kaho.

«Ministr napisaŭ takich listoŭ niekalki dziasiatkaŭ svaim kaleham. Ad niekatorych u nas jość reakcyja — moža, nie pazityŭnaja, ale dakładna kanstruktyŭnaja. Niekatoryja hety sihnał uspryniali. A toj, chto źliŭ dypłamatyčny dakumient u ŚMI, pakazaŭ svoj uzrovień prafiesijanalizmu, taktu, žadańnia niešta vyrašać. I zusim nas nie ździviŭ», — padzialiŭsia padrabiaznaściami Hłaz.

Pavodle viersii pres-sakratara MZS, Biełaruś chacieła jašče raz danieści da ES svaju pazicyju, jakaja nijak nie źmianiłasia. I čarhovy raz vykazaŭ pahrozu: kali ES nie pojdzie na pieramovy ź biełaruskim režymam, to ŭ Biełarusi budzie jašče mienš Jeŭropy.

«My vydatna bačym, jakaja vakchanalija dziejecca ŭ našym rehijonie. Na Biełaruś adbyvajucca napadki. My jašče raz chacieli vyrazna i zrazumieła sfarmulavać svaju pazicyju, jakaja nie źmianiałasia i składajecca ŭ tym, što ŭsie pytańni treba vyrašać za stałom pieramovaŭ, abmiarkoŭvać zakłapočanaści i damaŭlacca… ni ciskam, ni šantažom, ni niejkimi inšymi pryjomami, u tym liku niezakonnymi sankcyjami, ni adno pytańnie vyrašyć nie atrymajecca. Jeŭrapiejskaha Sajuza ŭ Biełarusi budzie stanavicca ŭsio mienš i mienš», — skazaŭ Hłaz.

Čytajcie taksama:

«Čakajem bolš surjoznych krokaŭ». Krynicy ŭ dypkorpusie pra list Makieja

Makiej u liście da Jeŭropy narakaje na «nieščaślivuju čaradu padziej paśla 2020-ha» i zaklikaje da dyjałohu

«Biełaruś nie budzie ŭciahnutaja ŭ vajnu». Makiej zaklikaŭ ES da dyjałohu ź Minskam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
12
Ого
0
Сумна
0
Абуральна
5
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930