Znajści
Ałharytmičny łacinski varyjant
27.11.2016 / 15:53RusŁacBieł

Vyjšli z druku dadatkovyja nakłady papularnych numaroŭ Arche

Hetyja časopisy vyklikali vysokuju cikavaść u svoj čas i davoli chutka razyšlisia. Na prośby čytačoŭ papularnyja numary znoŭku pabačyli śviet.

ARCHE №7—8 2014. Zachodniaja Biełaruś. Mižvajenny pieryjad (422 staronki)

Numar pryśviečany historyi Zachodniaje Biełarusi ŭ mižvajenny čas (1921—1939 hh). U im razhladajucca palityčnyja prajekty, rehijanalnyja centry nacyjanalnaha ruchu, presa, dziejnaść navukovych ustanoŭ, sacyjalnyja kanflity, a taksama štodzionnaje žyćcio nasielnikaŭ viosak i miastečak.

Źmiest

Papiarovaja viersija

Elektronnaja viersija

ARCHE №5 — 2014. Žyćcio razzbrojenaha čałavieka (246 staronak)

U numary ŭpieršyniu ŭ pierakładzie na biełaruskuju movu drukujecca raman Siarhieja Piasieckaha. Asnoŭnaje dziejańnie adbyvajecca na terytoryi mižvajennaje Zachodniaje Biełarusi — u Vilni, Lidzie, Baranavičach, Maładečnie, Bieraści, a taksama ŭ zachodniebiełaruskich vioskach i miastečkach. Raman raskazvaje pra niebiaśpiečnyja j poŭnyja intryh, časam kryminalnyja, a časam seksualnyja pryhody demabilizavanaha dobraachvotnika polskaha vojska Michała Łubienia. Pryjechaŭšy ź Miensku ŭ Vilniu, jon adčuvaje siabie kinutym na svavolu losu. Paśla doŭhich i niaŭdałych sprobaŭ uładkavacca na pracu Łubień vybiraje pracu naturnika ŭ padpolnaj vilenskaj pornastudyi. Kali ž i hetaja praca pierastaje jaho materyjalna zadavalniać, jon stanovicca ŭdzielnikam kryminalnaje bandy, što zajmajecca vyrabam i prodažam falšyvych čekaŭ amierykanskich bankaŭ. Choć napačatku hetaja dziejnaść prynosić Michału Łubieniu nievierahodny dachod, urešcie jana pryvodzić jaho ŭ vilenskuju turmu. Apisańnie pobytu viaźniaŭ vilenskaje turmy, kałarytnyja vobrazy zachodniebiełaruskich habrejaŭ i sialan, jakija, jak admysłova padkreślivaje aŭtar, havorać sakavitaj biełaruskaj movaj — taksama admietny elemient hetaha tvoru.

Vydańnie azdoblenaje redkimi fatazdymkami Vilni pačatku XX st., a taksama ŭzorami tahačasnaha eratyčnaha fotamastactva.

Papiarovaja viersija

Uvaha: heta pieravydańnie vypusku, u jakim drukujecca tolki raman Piasieckaha.

Elektronnaja viersija

ARCHE №4 — 2014. Architekturnaja spadčyna: historyja razbureńniaŭ i rekanstrukcyj (572 staronki)

Hety numar pra achovu j razbureńnie architekturnych pomnikaŭ, źniščeńnie histaryčnych zabudoŭ biełaruskich haradoŭ, jakoje ŭłady tłumačyć kłopatam pra prostych hramadzian.

Šerah publikacyjaŭ pryśviečanyja fienomienu śviatkavańnia «Dažynak» u aŭtarytarnaj Biełarusi. Skančajecca vypusk artykułami pra kulturnyja łandšafty biełaruskich miastečak i haradoŭ, dzie ŭ staražytnuju paru byli pabudavanyja zamki — Halšany, Lubča, Kreva, Viciebsk, Harodnia, Navahradak i Niaśviž.

Źmiest

Papiarovaja versija

Elektronnaja versija

ARCHE № 1 — 2013. Palicai i partyzany (372 staronki)

U numary aśviatlajucca niazručnyja aśpiekty apošniaje niamieckaje akupacyi Biełarusi — udzieł miascovych pamahatych u niamieckim terory suprać habrejaŭ, niaprostyja dačynieńni miascovaha nasielnictva z partyzanami roznych maściaŭ. Publikujucca taksama materyjały, jakija zmušajuć pa-novamu zirnuć na Chatynskuju raspravu 1943 hoda.

Źmiest

Papiarovaja viersija

Elektronnaja viersija

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera