Знайсці
30.05.2024 / 10:463РусŁacБел

Беларускага трэнера Віктара Ганчарэнку выкінулі з «Урала» з-за кепскіх вынікаў

Каманда фінішавала ў чэмпіянаце Расіі на 14-м месцы, а ўчора дома прайграла першы стыкавы матч за права застацца ў элітным дывізіёне.

Championat.com

Футбольны клуб «Урал « на сваім афіцыйным сайце абвясціў пра звальненне галоўнага трэнера Віктара Ганчарэнкі. Рыхтаваць каманду да вырашальнага стыкавага матчу з «Акронам» будзе Яўген Авяр'янаў, піша Championat.com.

«Дзякуем Віктару Міхайлавічу за праведзеную працу і жадаем поспеху ў далейшым», — напісала прэс-служба екацярынбургскага клуба.

Прэзідэнт «Урала» Рыгор Іваноў назваў прычыну звальнення. Са слоў функцыянера, беларусу не ўдалося выканаць задачу на першы стыкавы матч за права застацца ў расійскай прэм'ер-лізе, таму камандзе патрэбныя перамены.

«Мы дзякуем Віктару Міхайлавічу за амаль два гады, праведзеных у Екацярынбургу. Але са шкадаваннем канстатуем: выканаць задачу на першы стыкавы матч не ўдалося. Камандзе патрэбныя перамены», — сказаў Іваноў.

Напярэдадні «Урал» прайграў «Акрону» ў першым стыкавым матчы за права выступаць у расійскай прэм'ер-лізе ў наступным сезоне. Гульня праходзіла ў Екацярынбургу і завяршылася з лікам 0:2. За «Урал» гуляе пяцёра беларусаў. Пераходная гульня ў адказ паміж камандамі адбудзецца ў суботу, 1 чэрвеня, і пройдзе на стадыёне «Крышталь» у Жыгулёўску.

Ганчарэнка трэніраваў БАТЭ з 2006 па 2013 год, заваяваў шэсць разоў залатыя медалі чэмпіянату Беларусі, упершыню ў гісторыі вывеў клуб у групавы раўнд Лігі чэмпіёнаў (лета 2008), і потым БАТЭ пры ім кожны год гуляў у групавых турнірах Лігі чэмпіёнаў і Лігі Еўропы.

У Расіі працаваў у «Кубані», «Краснадары», «Уфе», ЦСКА, двойчы ва «Урале».

Чытайце таксама:

Футбольны Еўра-2024 па БТ паказваць не будуць

Фантастыка ў стыках Германіі! 16-ю каманду Бундэслігі «пахавалі» пасля хатніх 0:3, а яна ў гасцях здзейсніла неверагодны камбэк

Гары Кейн стаў уладальнікам «Залатой буцы» як найлепшы бамбардзір еўрапейскіх ліг

Фурор украінцаў у Іспаніі — у адным матчы Доўбік забіў тры галы, Цыганкоў — два. ВІДЭА

Грэцкі «Алімпіякас» выйграў Лігу канферэнцый у дадатковы час

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
1
Ха-ха
3
Ого
1
Сумна
0
Абуральна
1
30.05.2024
Ну і хопіць.
30.05.2024
Той, што з языком у жопе
0
Кутузаў/адказаць/
30.05.2024
Фан, так. Праз іх мы жывем у турме, тамушта іх языкі ў дупах.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930