Знайсці
29.05.2024 / 14:59РусŁacБел

Алейнік падарыў Сіярту майку зборнай Беларусі па футболе. Вось чаму

Федэрацыя футбола Беларусі вырабіла майку зборнай краіны для міністра замежных спраў і знешняга гандлю Венгрыі, якую яму прэзентаваў міністр замежных спраў Сяргей Алейнік. «Ці азначае гэта, што Сіярта стаў ганаровым беларускім футбалістам?» — інтрыгуе прэс-служба МЗС Беларусі. 

Рэч у тым, што беларускія футбалісты з-за санкцый УЕФА праводзяць дамашнія матчы ў еўрапейскіх турнірах на нейтральных палях — у мінулым сезоне спартсмены гулялі ў Венгрыі.

Будапешт і надалей гатовы прадастаўляць беларускім камандам свае стадыёны для арганізацыі дамашніх футбольных матчаў і іншых спаборніцтваў, заявіў міністр замежных спраў і знешняга гандлю Венгрыі Петэр Сіярта, перадае Sputnik.

Ён нагадаў, што беларускія каманды правялі восем матчаў на палях Венгрыі.

«І я хачу сказаць, што Венгрыя гатова прадаставіць беларускім камандам свае магчымасці – і ў Лізе нацый, і ў адборачных матчах на чэмпіянат свету. Гэта ўсё ў вашым распараджэнні, мы з задавальненнем прымем вашу зборную. У нас шмат прыгожых стадыёнаў», — сказаў ён на брыфінгу па выніках перамоваў са сваім беларускім калегам Сяргеем Алейнікам у Мінску.

Сіярта таксама выказаўся наконт санкцый у дачыненні да спартсменаў з Беларусі.

«Мы, венгры, сёння супраць таго, каб змешваць спорт і палітыку. Каб ніхто не мог прымаць рашэнне наконт таго, хто можа ўдзельнічаць у Алімпіядзе. Таму што гэта можа вырашаць толькі вынік дасягненняў канкрэтнага спартсмена», — сказаў дыпламат.

Паводле яго слоў, Венгрыя таксама супраць, каб спартсмены выказвалі палітычныя заявы або не мелі права выступаць ад імя сваёй краіны на міжнародных спаборніцтвах.

Чытайце таксама:

Будапешт не будзе падтрымліваць санкцыі ЕС, якія могуць нашкодзіць адносінам з Мінскам

У Венгрыі рэзка набрала папулярнасць антыорбанаўская партыя, якую стварыў малады палітык

ЗША будуць адказваць за абарону Польшчы, Германія — Літвы, Канада — Латвіі. Стаў вядомы план НАТА 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
2
Ого
0
Сумна
0
Абуральна
3
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930