Знайсці
29.05.2024 / 13:481РусŁacБел

З 2025 года беларусам з дыябетам будуць выдаваць інсулін у шпрыц-асадках бясплатна

Ілюстрацыйнае фота ajovy.com

У наступным годзе ўсіх пацыентаў з цукровым дыябетам плануюць перавесці на картрыджную форму ін'екцый інсуліну, што спрашчае ўвядзенне прэпарата, піша БелТА са спасылкай на галоўнага пазаштатнага спецыяліста па эндакрыналогіі Міністэрства аховы здароўя Вольгу Салко.

Пацыенты з І тыпам дыябету ўжо ў 2022 годзе пераведзены на картрыджы. Частка пацыентаў з II тыпам цукровага дыябету працаздольнага ўзросту таксама выкарыстоўваюць гэтую форму.

Шпрыц-асадка для ін'екцый вонкава амаль не адрозніваецца ад звычайнай, толькі замест стрыжня ў ёй знаходзіцца картрыдж з інсулінам, а замест пяра — аднаразовая інсулінавая іголка. Гэта дазваляе хутка правесці працэдуру ў любым месцы: у кафэ, на вуліцы ці ў грамадскім транспарце.

Вольга Салко адзначыла, што ў Беларусі чакаюць уласнай вытворчасці з наступнага года, каб забяспечыць абсалютна ўсіх, хто мае патрэбу, пацыентаў, якія выкарыстоўваюць інсулін, менавіта картрыджнай формай. Пакуль інсуліны ў нас вырабляюцца ў флаконах.

Павялічваецца і колькасць пацыентаў, якія выкарыстоўваюць помпавую інсулінатэрапію, што лічыцца яшчэ больш зручным метадам для пацыентаў з дыябетам. На сёння гэта 422 чалавекі, з іх 232 — дзеці.

Па афіцыйных дадзеных, у краіне 383 тыс. дарослых пацыентаў з цукровым дыябетам II тыпу.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
0
Ого
0
Сумна
1
Абуральна
1
02.06.2024
Заведомо устаревший подход. Тогда когда во всем мире во всю используют помпы в связке с сенсорами. Калибровка 1 раз в 10 дней.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930