Знайсці
29.05.2024 / 17:216РусŁacБел

Анансаваная ChatGPT-5, якая можа несці пагрозу ўсяму чалавецтву 

Не прайшло і месяца з выхаду нашумелай ChatGPT Omni, як ужо анансавалі і пачалі тэсціраваць «новую перадавую мадэль» ChatGPT-5. Гэтая мадэль можа стаць першым у свеце ўніверсальным штучным інтэлектам (УШІ), які, паводле ацэнак, будзе здольны вучыцца, разумець і прымаць рашэнні цалкам самастойна, а таксама можа захацець знішчыць людзей з прычыны іх непатрэбнасці.

Ілюстрацыйная дэманстрацыя магчымасцей моўнай мадэлі 5-га пакалення ў параўнанні з папярэднімі версіямі, паказаная на нядаўняй канферэнцыі кампаній Microsoft і OpenAI. Фота: Microsoft

Кампанія OpenAI, распрацоўшчык сусветна вядомай нейрасеткі ChatGPT, учора абвясціла пра пачатак тэсціравання «новай перадавой мадэлі», якая наблізіць чалавецтва да стварэння першага ў свеце ўніверсальнага штучнага інтэлекту (Artificial General Intelligence / AGI, альбо УШІ) — наступнай стадыі эвалюцыі штучнага інтэлекту, якая значна перавысіць магчымасці людзей.

Гэтай перадавой мадэллю можа аказацца ChatGPT-5, невялікі анонс якой тыднем раней зрабіў гендырэктар OpenAI Сэм Альтман. Ён заявіў, што новая версія нейрасеткі «будзе функцыянаваць як віртуальны мозг» і будзе кардынальна адрознівацца ад папярэдніх версій.

Альтман таксама адзначыў, што новая версія можа атрымаць «асаблівую назву» замест стандартных серыйных назваў ChatGPT, перадае выданне Windows Central, адзін з афіцыйных рэсурсаў кампаніі Microsoft.

Характэрна, што яшчэ ў канцы мінулага года, па інфармацыі некалькіх крыніц агенцтва Reuters, кампанія OpenAI зрабіла «магутнае адкрыццё» ў развіцці штучнага інтэлекту, якое «нясе пагрозу для ўсяго чалавецтва».

Гаворка тады ішла пра закрыты эксперыментальны праект кампаніі пад нестандартнай для ChatGPT назвай Q* (Q-Star), які засведчыў значныя поспехі на шляху стварэння ўніверсальнага штучнага інтэлекту.

Актыўная распрацоўка гэтай перадавой мадэлі-правобразу УШІ магла стаць прычынай леташняга скандалу з часовым звальненнем Сэма Альтмана з пасады гендырэктара OpenAI.

Паводле крыніц, рада дырэктараў кампаніі тады была напалоханая адной са справаздач аб дасягненнях праекта Q-Star і была абураная тым, што Сэм Альтман распрацоўваў мадэль цішком і без поўнага інфармавання рады.

«Больш за ўсіх турбаваўся адзін з чальцоў рады дырэктараў OpenAI і ўраджэнец Расіі праграміст Ілля Суцкевер. Ён, у адрозненне ад Альтмана, выступае супраць камерцыялізацыі і імклівага развіцця штучнага інтэлекту, бо баіцца, што УШІ ў будучыні будзе абыходзіцца з людзьмі гэтак жа, як людзі абыходзяцца з жывёламі», — адзначыла тады выданне The Wall Street Journal са спасылкай на супрацоўнікаў OpenAI, знаёмых з сітуацыяй.

Але ў выніку скандал скончыўся тым, што Альтмана вярнулі на пасаду гендырэктара OpenAI, а Ілля Суцкевер, таксама стваральнік ChatGPT, быў звольнены.

Каманда Суцкевера па ацэнцы рызык развіцця магутных сістем ШІ, якая складалася ў тым ліку з незалежных экспертаў па кібербяспецы, была расфарміраваная. Замест яе Сэм Альтман стварыў новую каманду той жа накіраванасці, але складаецца яна выключна з супрацоўнікаў OpenAI і падначаленых Альтмана.

Сэм Альтман (злева) і Ілля Суцкевер (справа). Фота: Abigail Uzi / Tel Aviv University

Цяпер, паводле ўчорашняга паведамлення OpenAI аб пачатку тэсціравання новай перадавой мадэлі штучнага інтэлекту, кампаніі таксама неабходна 90 дзён на аналіз звязаных з мадэллю рызык. Гэтая працэдура павінна даць карысныя рэкамендацыі радзе дырэктараў перад выпускам прадукта.

Па інфармацыі розных крыніц, новая мадэль можа з'явіцца ўжо ў гэтым годзе.

Нагадаем, што яшчэ нядаўна OpenAI выпусціла абнаўленне ChatGPT пад назвай Omni, якая выклікала вакол сябе сапраўдны ажыятаж ва ўсім свеце. 

Мадэль можа аналізаваць і апісваць усё вакол, пры гэтым размаўляючы з карыстальнікам у рэжыме рэальнага часу пры дапамозе камеры, а таксама размаўляць эмацыйна з выкарыстаннем розных інтанацый, валодаючы харызмай, іроніяй і гумарам.

Гэта далёка не поўны спіс функцый Omni. «Наша Ніва» раней асобна апісала магчымасці версіі і нават пратэсціравала некаторыя з іх.

Чытайце таксама:

Openal, Microsoft і Amazon дамовіліся абараняць чалавецтва ад магутных ШІ-сістэм

«Я шакаваная і злая». Скарлет Ёхансан абвінаваціла OpenAI у крадзяжы свайго голасу

Штучны інтэлект будзе трэніравацца на навінах буйных медыякампаній. А ім за гэта заплацяць $250 мільёнаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
12
Панылы сорам
9
Ха-ха
5
Ого
5
Сумна
5
Абуральна
14
6
Змагар /адказаць/
29.05.2024
Хватит засирать людям мозги и уводить внимание от действительно ВАЖНЫХ вопросов! 🤮
1
Ерома/адказаць/
29.05.2024
Алесь, а патамушта яму станіт проста нехрэн делаць онжаж спаць і бездельнічаць не умеіт ево уключылі і он сразу начынает думаць в мільён раз быстрэй чалавека  кагда все задачкі праграмістав рэшыт і пра всё перадумает ему станет скушна і он начнёт захватываць мір
0
Трасянка/адказаць/
07.06.2024
Какое красівае беларускае слова "тэсціраваць" замест "тэставаць"
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930