Знайсці
29.05.2024 / 08:0011РусŁacБел

«Цікава, што з’явілася раней: адыдас ці лідскія кеды»: у тыктоку новая хваля любові да айчыннага абутку

Ад абутку для фізкультуры да «беларускага адыдаса» — так цікава складваўся лёс лідскіх кедаў. Цяпер у сацыяльных сетках зноў прызнаюцца ў любові да вядомай мадэлі айчыннага абутку.

Лідскія кеды. Фота з сайта lidashoes.by

Мабыць, чарговая хваля папулярнасці лідскіх кедаў звязаная з тым, што стылісты (і беларускія, і замежныя) у адзін голас казалі, што вясной і летам 2024 года сярод трэндавага абутку ёсць Adidas Gazelle.

Adidas Gazelle. Скрыншот сайта sneakers.by

А лідскія кеды якраз да іх вельмі падобныя. І калі тыя самыя адыдасы каштуюць у мінскіх крамах 400-500 рублёў, то айчынны аналаг можна адшукаць недзе ў ГУМе за 56 рублёў.

— Аналаг «Адыдаса», якаснае фабрычнае выкананне, натуральныя і вельмі зручныя. Адзінае, раю адразу замяніць вусцілку, таму што родная спаўзае, — напісала ў інстаграме мінская стылістка, выкладчыца Нацыянальнай школы прыгажосці.

У тыктоку відэа з лідскімі кедамі звычайна выкладаюць пад гук: «Урвала!». Здаецца, адзіная прэтэнзія ад тых, хто робіць распакоўкі — непрыгожыя кардонныя каробкі, неяк крыва змацаваныя стэплерам.

Блогерка пад нікам ph_ksusha пахвалілася ў сваім тыкток-акаўнце новымі цёмна-зялёнымі лідскімі кедамі. «Знойдзены найлепшыя кеды па вельмі смешным кошце. Неверагодна зручныя і натуральныя», — напісала блогерка.

@ph_ksusha Найдены лучшие кеды по очень смешной цене невероятно удобные и натуральные #кеды#беларусь#рекоминдации♬ оригинальный звук - агонек

Відэа набрала каля 360 тысяч праглядаў і больш за 5 тысяч лайкаў. Нехта пажартаваў: «У маім дзяцінстве набыццё лідскіх красовак лічылася прысудам. Гэта ж на ўсё жыццё». Але сярод фанатаў айчыннага абутку і тых, хто просіць парады, дзе ж знайсці «беларускі адыдас», знайшліся і хейтары: «Вы сур'ёзна сцвярджаеце, што гэта лепш за «Адыдас»? Тады вы не насілі добрага спартыўнага абутку».

У адказ на апошнюю прэтэнзію блогерка нават запісала відэаадказ, у якім паказала сваю калекцыю спартыўнага абутку: GUESS, Reebok, Nike, Lacoste і дзве пары лідскіх кедаў рознага колеру.

— Так што не хвалюйцеся за мяне, усё ў мяне ёсць — і фірмовы абутак, і калгасны, як вы кажаце. Лідскія нічым не горшыя — выдатна носяцца, чысцяцца.

Чытайце таксама:

Крамы польскага абутку ў Мінску зачыняцца не будуць

У Беларусі зачыняюцца крамы польскага абутку. Прычыны — забарона на ўвоз тавараў

Забаранілі ўвозіць у Беларусь шмат тавараў з Польшчы, Чэхіі і краін Балтыі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
27
Панылы сорам
2
Ха-ха
7
Ого
1
Сумна
0
Абуральна
4
1
дочка Максима Дизайнера/адказаць/
29.05.2024
блін. вось мае быццам бы не працавалі... але лідскіх не было. затое было 3 канькоў і іншае лыжы... а! зразумела. бацькі пэўна казалі мне - якія табе кеды? ты яшчэ канькі не знасіла
0
Максим Дизайнер/адказаць/
29.05.2024
Голь на выдумки хитра. Даже в Минске. Ну, а хули?Деревня, как говорят москвичи.
0
Брукс/адказаць/
29.05.2024
Какие же они в моих воспоминаниях про девяностые уродливые
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930