Знайсці
22.04.2024 / 19:53РусŁacБел

Назвалі самыя «разумныя» гарады свету гэтага года

Міжнародны інстытут кіраўнічага развіцця (IMD) прадставіў свой рэйтынг самых «разумных» гарадоў свету. Гэтыя гарады могуць пахваліцца найбольш эфектыўным выкарыстаннем сучасных тэхналогій у розных сферах грамадскага і эканамічнага жыцця, піша Myfin.by.

Цюрых. Фота: Wasin PUMMARIN / vecteezy.com

У даследаванні IMD за 2024 год ацэньваецца тое, як інфраструктура і тэхналогіі ў 142 населеных пунктах планеты ўплываюць на прадукцыйнасць і якасць жыцця гараджан.

На аснове апытанняў 120 жыхароў кожнага з разгляданых гарадоў структурны і тэхналагічны кампаненты ацэньваліся па пяці ключавых напрамках: здароўе і бяспека, мабільнасць, дзейнасць (забавы, мерапрыемствы і г.д.), магчымасці (вучоба, праца, бізнэс) і кіраванне.

У выніку ўжо не першы год у рэйтынгу лідзіруе швейцарскі Цюрых. Абсалютная большасць яго жыхароў задаволеныя выкарыстаннем сучасных тэхналогій у адукацыі (напрыклад, выкладаннем IT у школах) і працы (анлайн-сэрвісы для бізнэсу і г.д.), ахове здароўя, забеспячэнні бяспекі і ў іншых сферах.

Топ-10 разумных гарадоў па версіі IMD:

  • Цюрых (Швейцарыя);
  • Осла (Нарвегія);
  • Канбера (Аўстралія);
  • Жэнева (Швейцарыя);
  • Сінгапур;
  • Капенгаген (Данія);
  • Лазана (Швейцарыя);
  • Лондан (Вялікабрытанія);
  • Хельсінкі (Фінляндыя);
  • Абу-Дабі (ААЭ).

Адзначаецца, што гарады, якія занялі высокія месцы ў рэйтынгу, могуць пахваліцца стабільным і прадказальным сацыяльным і эканамічным асяроддзем. Таксама ў іх распрацаваныя ініцыятывы, накіраваныя на паляпшэнне агульнай якасці жыцця грамадзян, у тым ліку азеляненне, а таксама пашырэнне магчымасцяў для правядзення культурных мерапрыемстваў і наладжвання сацыяльных сувязяў.

«У большасці гэтых гарадоў-лідараў такія намаганні спалучаюцца з інавацыйнымі стратэгіямі па прыцягненні і ўтрыманні талентаў, стымуляванні інвестыцый у абраных галінах (напрыклад, у інтарэсах устойлівага развіцця) і вырашэнні даўніх праблем, звязаных з геаграфічнай няроўнасцю і інклюзіўнасцю», — гаворыцца ў справаздачы.

У спісе не прадстаўленыя беларускія гарады, затое ў ім апынуліся некаторыя сталіцы суседніх дзяржаў, прычым іх паказчыкі палепшыліся ў параўнанні з мінулым годам.

Так, Варшава размясцілася на 38-м месцы (вышэй на 6 пазіцый), Вільня — на 47-м месцы (вышэй на 18 пазіцый), Рыга — на 59-м месцы (вышэй на 24 пазіцыі).

Чытайце таксама:

У топ-5 самых камфортных гарадоў Расіі ўключылі «прыфрантавы» Белгарад

Топ-15 беларускіх гарадоў, якія выміраюць хутчэй за ўсё. Лідар вас моцна здзівіць

Астравец, Столін, Жабінка — рэйтынг беларускіх гарадоў, у якіх насельніцтва павялічваецца насуперак усяму

Дзе ў Беларусі небяспечней за ўсё? Крымінальны топ гарадоў і раёнаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
1
Ха-ха
0
Ого
1
Сумна
0
Абуральна
2
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930