Знайсці
19.04.2024 / 18:5016РусŁacБел

Выкрадзенага ў «ДНР» амерыканскага ваенкара Расэла Бэнтлі забілі

Пасля знікнення мужчыны на месцы засталася ягоная белая «Ніва». У аўтамабілі ляжалі яго бейсболка, акуляры і пабіты тэлефон.

Расэл Бонэр Бэнтлі III. Фота з ягонай старонкі «Укантакце»

Выкрадзенага ў «ДНР» амерыканскага ваенкара Расэла Бэнтлі забілі. Пра гэта паведаміў «старшыня Грамадскай палаты ДНР» Аляксандр Кофман.

«Людміла паведаміла, што яе муж Расэл Бэнтлі «Тэхас» — забіты. Я вельмі спадзяюся, што вылюдкам, што гэта ўчынілі ўжо ніхто і нічога не дапаможа…», — заявіў ён.

Кофман дадаў, што яго забойства пацягне за сабой «каласальныя рэпутацыйныя страты» для «ДНР», піша Astra.

Раней жонка Бэнтлі Людміла неаднаразова пісала, што яе мужа выкралі вайскоўцы з 5-й расійскай брыгады.

«Майго мужа ўзялі і працягваюць незаконна ўтрымліваць вайскоўцы, танкісты, з 5-й брыгады. Расэл быў жорстка затрыманы 8 красавіка 2024 г. прыкладна паміж 16:20 і 17:00 у раёне Аўтабазы ​​ў Пятроўскім раёне Данецка», — пісала яна.

Пра тое, што амерыканца, які ваяваў на баку РФ, маглі выкрасці вайскоўцы, заяўляў і рэдактар ​​выдання «Русский час» Аляксандр Карабко, дзе працаваў Бэнтлі. Па ягоных словах, «ад сведкаў вядома, што [Расэла Бэнтлі] «узялі людзі ў камуфляжы, вайсковай форме». Імаверна, вырашылі, што 'шпіён' і прывезлі да вайскоўцаў контрразведчыкам».

Раней крыніцы Astra паведамлялі, што апошні раз мужчыну бачылі 8 красавіка пасля 16 гадзін у Пятроўскім раёне акупаванага Данецка, калі ён здымаў наступствы прылёту па вайсковай часці на вуліцы Аўтабазаўскай.

Пасля знікнення мужчыны на месцы засталася ягоная белая «Ніва». У аўтамабілі, па словах жонкі Бэнтлі, ляжалі яго бейсболка, акуляры і пабіты тэлефон.

Чытайце таксама:

йУ Данецку знік камуніст з ЗША, які з 2014-га ваяваў на баку Расіі. Яго жонка кажа, што яго «выкралі рускія»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
26
Панылы сорам
10
Ха-ха
61
Ого
4
Сумна
8
Абуральна
8
0
бабруйчанін/адказаць/
19.04.2024
Типок Вагнерок,))) Вы после того как "мужыка " куролесіте" еще и счет выставляете?? И кто те кто " каруселіл" ??После" карусели" ручкаетесь или лишь " честь" отдаете?? Атамана прыгожего с уткиным в сопутствующие списали?? А так клялись плакали ?? Пусто- пусто порожняк
3
Максим Дизайнер/адказаць/
20.04.2024
[Рэд. выдалена]
0
Харошы рускі фертылайзер/адказаць/
21.04.2024
Welcome to the рускі мір!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера