Знайсці
18.04.2024 / 07:5211РусŁacБел

Уначы згарэў мытны ангар у пункце пропуску «Меднікі» на літоўска-беларускай мяжы

Падчас праверкі аўтамабіля ў ангары мытні той раптам загарэўся і ўзнік пажар, піша 15min.lt.

Скрыншот відэа

Як паведамілі ва ўпраўленні паліцыі, каля 02:40 ночы ў памежным пункце Меднікі (Мядзінінкай) (з беларускага боку — «Каменны Лог»), у ангары віленскай тэрытарыяльнай мытні, правяралі Porsche Cayenne.

У ходзе праверкі раптам узнік пажар, падчас якога загарэўся аўтамабіль, а таксама ангар аўтатэхагляду і адміністрацыйная частка будынка. У выніку інцыдэнту ніхто не пацярпеў. Страты падлічваюцца. Чыноўнікі расследуюць знішчэнне або пашкоджанне маёмасці па неасцярожнасці і высвятляюць прычыну пажару.

Да тушэння пажару былі прыцягнутыя восем аўтацыстэрнаў, дзве аўталесвіцы і штабны аўтамабіль.

«Падчас надгляду аўтамабіля ў ангары Віленскай тэрытарыяльнай мытні ўзнік пажар, згарэў аўтамабіль, згарэў надгляны ангар і частка адміністрацыйнага будынка», — паведаміў прадстаўнік мытні Вітаўтас Ражанскас.

Як паведамілі ў Дэпартаменце пажарнай аховы і выратавання Літвы, пажар быў ліквідаваны каля 7:00 раніцы.

Літоўскі бок часова не прапускае транспарт.

Акрамя пункту пропуску «Меднікі» («Мядзінінкай») — «Каменны Лог», на літоўскай мяжы працуе толькі адзін КПП «Шальчынінкай» — «Беняконі».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
17
Ха-ха
10
Ого
14
Сумна
8
Абуральна
10
1
Мiнчук/адказаць/
18.04.2024
бабруйчанін,паспрабуйце пазбавiцца ад трасянкi на карысць Мовы.Нейкi iспанcкi сорам ад такiх...
1
бабруйчанін/адказаць/
18.04.2024
Мiнчук, ??? Ты з Мінска які пад Бабруйскам мне заўвагі робішь))) Як чую так каментую..Ты па іньшаму чуешь?
0
Другi мiнчук/адказаць/
18.04.2024
бабруйчанін, дык памый вушы цi да лекара схадзi. З Копысi, якая таксама недзе там, адзiн такi грамацей вылез, 30 год трасянствуе.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера