Знайсці
16.04.2024 / 13:463РусŁacБел

Арына Сабаленка: Мы выраслі ў цяжкіх умовах

Другая ракетка свету патлумачыла, чаму ва Усходняй Еўропе поўна зорак тэніса.

Арына Сабаленка падчас прэс-канферэнцыі 15 красавіка. Фота: Robert Prange / Getty Images

Арына Сабаленка на прэс-канферэнцыі перад стартам турніру ў Штутгарце адказала на цікавае пытанне. Журналісты папрасілі беларуску растлумачыць, чаму большасць топ-тэнісістак прадстаўляюць краіны Усходняй Еўропы, піша Championat.com.

«Мы ўсе выраслі ў цяжкіх умовах. Мы сапраўды моцныя людзі і байцы. Цяжка сказаць. Гэта адзінае тлумачэнне, якое прыходзіць у галаву. Прынамсі, да мяне гэта дакладна адносіцца. Мне было нялёгка, і я заўсёды змагалася за сваю мару. Думаю, што мы такія як бы ўстойлівыя», — сказала Сабаленка.

Топавых тэнісістак з Усходняй Еўропы, сапраўды, вельмі шмат. Гэты рэгіён хоць і ўключае ладную колькасць краін, але амаль усе з іх невялікія па плошчы і з малой колькасцю насельніцтва. Таксама вядучыя тэнісісткі Казахстана маюць расійскія карані.

У топ-10 роўна палова тэнісістак з Усходняй Еўропы: Іга Свёнтак (Польшча), Арына Сабаленка (Беларусь), Алена Рыбакіна (Казахстан), Маркета Вондраўшава (Чэхія) і Алена Астапенка (Латвія). Прычым Свёнтак і Сабаленка з'яўляюцца першай і другой ракеткамі свету, а Рыбакіна — чацвёртая.

@nashaniva Арыну Сабаленку пабачылі з новым мужчынам, і ён клаў ёй руку ніжэй за талію #беларусь#белорусы#новостибеларуси#беларускаямова#аринасоболенко#теннис♬ TRANSGENDER (PEARL WHITE VIP) - PEARL WHITE

Калі браць топ-50 рэйтынгу, то доля спартсменак з Усходняй Еўропы яшчэ павялічыцца. 29 тэнісістак з 50 найлепшых у свеце — з Усходняй Еўропы. Беларуска Вікторыя Азаранка, якая ў 2012 годзе была першай ракеткай свету, займае 25-ы радок.

Варта зрабіць зніжку на тое, што значная частка пералічаных зорак прадстаўляе Расію (дзевяць), Чэхію (сем) і Украіну (пяць), але гэта толькі сведчыць аб развітой школе тэніса ў гэтых краінах. У многіх іншых дзяржавах Усходняй Еўропы яна таксама на годным узроўні.

Разам з тым у топ-50 няма тэнісістак з такіх буйных краін Заходняй Еўропы, як Іспанія і Германія.

Чытайце таксама:

Сабаленка трапіла ў спіс самых перспектыўных маладых лідараў Forbes

Арыну Сабаленку другі раз пабачылі ў кампаніі амерыканскага мільярдэра

Арына Сабаленка падзякавала прыхільнікам за падтрымку ў цяжкі час

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
5
Ха-ха
1
Ого
1
Сумна
1
Абуральна
5
0
Агаворка па Фрэйду/адказаць/
16.04.2024
У якіх гэта "цяжкіх умовах"? Расла ў "крышталёвым сасудзе" пры неверагодный "стабільнасці"" і бесперапынным росквіце, Пара Сабаленку прыцягнуць да адказнасці за дыскрэдытацыю сінявокай і яе правадыра.
0
Лгунья/адказаць/
16.04.2024
Агаворка па Фрэйду, и правда. Не росла в бедности. Родилась и росла при этом конюхе. Теннис - спорт для богатых.
0
Чэхі раслі ў цяжкіх умовах?)) хаха)/адказаць/
19.04.2024
ганьба якая)) што у цябе было цяжкага? цяжка жыць без мазгоў? згодзен. Толькі пры чым тут геаграфія. На аўтобусе 20 хвілін ездзіць на трэніроўку? трэніравацца 4 гадзіны ў дзень, айай. Маладзец.

Яна не разумее, што яна ўжо паставіла сябе як чалавек 3га сорту, усе адно што яна там мяркуе. Гэта як "гісторыі пошуку" бамжа які знайшоў нешта на сметніку ды разбагацеў - пляваць
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера