Знайсці
15.04.2024 / 15:492РусŁacБел

Пяць гадоў таму ледзь не згарэў славуты сабор Нотр-Дам у Парыжы

Агонь успыхнуў у 18:50 і хутка распаўсюдзіўся па ўсім храме.

Пажар у Нотр-Даме 15 красавіка 2019 года. Фота: Francois Mori / AP

Сабор перад гэтым знаходзіўся на рэстаўрацыі, ля сцен будынка былі ўсталяваныя будаўнічыя рыштаванні. У красавіку 2019 года будаўнікі працавалі на даху будынка, спрабуючы аднавіць гістарычны выгляд шпіля.

За кароткі час агонь дасягнуў адной з вежаў сабора.

 «Усё цяпер гарыць. Ад драўляных канструкцый — яны з аднаго боку 19-га, а з другога боку 13-га стагоддзяў — нічога не застанецца», — трывожна пісаў тады прадстаўнік сабора па сувязях з грамадскасцю Андрэ Фіно.

Па першым часе пажарныя былі няздольныя нічога зрабіць, бо вада з іх брандспойтаў не даставала да месцаў узгарання. Гасіць пажар Нотр-Дам з паветра немагчыма, бо дах і сабор маглі абваліцца, калі абрынуць на яго масу вады.

На месца падзей прыбылі прэзідэнт Эмманюэль Макрон і тагачасны прэм'ер Эдуар Філіп.

Тады абваліўся шпіль і частка даху.

Падчас тушэння агню пажарныя спрабавалі выратаваць прадметы мастацтва і рэліквіі.

Па словах прадстаўніка сабора, некаторыя творы мастацтва былі вынесеныя з будынка яшчэ да рэканструкцыі, а большая частка артэфактаў засталася ў рызніцы. Большасць рэліквій удалося выратаваць. Асаблівая ўвага грамадскасці была прыцягнута да лёсу «цярновага вянка Ісуса Хрыста», які ў выніку аказаўся захаваным.

20 красавіка следчыя вызначылі, дзе знаходзіўся ачаг узгарання. Пасля аналізу фатаграфій і відэа відавочцаў яны зрабілі выснову, што пажар пачаўся ў цэнтральнай частцы даху, побач з асновай шпіля і, хутчэй за ўсё, быў звязаны з рэстаўрацыйнымі працамі. Следчыя таксама не выключалі, што прычынай узгарання магло стаць кароткае замыканне.

Аднаўленне займае доўгія пяць гадоў. Сабор павінны адкрыць для грамадскасці 8 снежня 2024 года.

Стужка навін «Нашай Нівы» 15 красавіка 2019 года. Гэта была навіна нумар адзін у сусветных медыя.

Калі праз два гады, 10 мая 2021 года, загарэўся касцёл у Будславе, многія палічылі гэта кепскім знакам.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
1
Сумна
1
Абуральна
4
1
А в ответ только оскарбления/адказаць/
15.04.2024
Напомните, а сколько Россия дала денег на востановление сабора? И что в ответ?
16.04.2024
А в ответ только оскарбления, Колькі ?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930