Знайсці
14.04.2024 / 20:254РусŁacБел

Самы паўночны рэгіён Нарвегіі просіць павялічыць суткі да 26 гадзін

Усё дзеля таго, каб прыцягнуць новых жыхароў.

Адміністрацыя камуны Вадсё, якая размешчана на самай поўначы Нарвегіі недалёка ад мяжы з Расіяй, просіць Еўракамісію вылучыць для яе асобны часавы пояс. І павялічыць суткі да 26 гадзін.

Мэр горада Венке Педэрсен распавяла, што камуне складана прыцягваць новых жыхароў праз суровыя ўмовы. Таму адміністрацыя хоча стварыць унікальныя каштоўнасці, якія будуць цікавыя людзям з іншых абласцей краіны, паведамляе Politico.

Педэрсен прапануе павялічыць суткі да 26 гадзін, каб жыхары маглі праводзіць больш часу з роднымі, а таксама за любімымі заняткамі: паляваннем, рыбалкай, вывучэннем замежных моў і іншымі. 

Па словах мэра, мясцовыя вельмі задаволеныя жыццём: ім не трэба нікуды спяшацца, тут няма мітусні, уласцівай вялікім гарадам. Змена часу ў сутках можа прыцягнуць яшчэ больш людзей, асабліва сем'яў з дзецьмі, якім жыць у спакойным мястэчку будзе куды камфортней, лічыць Педерсен.

Нарвегія не з'яўляецца членам Еўрасаюза, але ўваходзіць у Еўрапейскую эканамічную прастору. Пытаннямі часавых паясоў займаецца Еўракамісія. Гэты орган атрымаў ліст мэра Вадсё, аднак перспектывы такой ініцыятывы туманныя.

Чытайце таксама:

Велізарны Казахстан пяройдзе на адзіны часавы пояс

Nashaniva.com

Хочаш падзяліцца важнай інфармацыяй
ананімна і канфідэнцыйна?

label.reaction.like
4
label.reaction.facepalm
11
label.reaction.smile
34
label.reaction.omg
6
label.reaction.sad
1
label.reaction.anger
5
0
пасля гэтага /адказаць/
15.04.2024
Хай ВНЖ даюць - палова Беларусі пераедзе
0
Свабодны чалавек/адказаць/
15.04.2024
А так можна было?
0
Woodoo Cult /адказаць/
16.04.2024
лол, у леваков крыша едет окончательно. То 6 часовой рабочий день, то 26 часов в сутках.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера