Знайсці
09.04.2024 / 20:4317РусŁacБел

«Патрэбен асобны раздзел». У новым школьным падручніку гісторыі раскажуць пра падзеі 2020 года

Міністр адукацыі лічыць, што тэма павінна заняць больш за дзве-тры старонкі.

Міністр адукацыі Андрэй Іванец. Фота: БелТА

Андрэй Іванец абмеркаваў з начальнікамі ўпраўленняў адукацыі Мінскай вобласці новыя падручнікі гісторыі. Дапаможнік для 10-га класа ўжо практычна гатовы, ён праходзіць тэставанне ў 14-ці школах краіны.

Чакаецца, што па новым падручніку дзесяцікласнікі будуць вывучаць гісторыю ўжо ў наступным навучальным годзе. У ім анансавалі больш зручны шрыфт, а таксама больш цесную сувязь гісторыі Беларусі з сусветнай гісторыяй, паколькі два прадметы аб'яднаюць у адзін, паведамляе «Мінская праўда».

Чыноўнікі таксама закранулі падручнік для 11-га класа, які будзе тэставацца ў наступным годзе. Іванец заявіў, што з ім усё будзе куды складаней. І анансаваў некалькі магістральных тэм.

Так, па словах Іванца, у дапаможніку павінны будуць адлюстраваць пратэсты 2020 года, рэферэндум 2022-га, а таксама наступныя выбары. Прычым чыноўнік лічыць, што на гэтыя тэмы неабходна адвесці цэлы раздзел, а не пару старонак, для таго, каб «школьнікі разумелі: гісторыя творыцца тут і цяпер».

З якіх пазіцый аўтары новага падручніка будуць распавядаць пра падзеі 2020 года, здагадацца няцяжка. Улады ўжо выкарыстоўваюць тэму пратэстаў у прапагандзе ў школе. Так, фатаграфіі з пратэстаў уключаныя ў падручнікі па новым факультатыве «Генацыд беларускага народа».

Аўтары дапаможніка праводзяць прамыя антыгістарычныя паралелі паміж калабарацыяністамі часоў Другой сусветнай вайны і пратэстоўцамі з нацыянальнымі сцягамі супраць гвалту і фальсіфікацый у 2020-м. Нацыянальная сімволіка ў гэтых падручніках называецца «нацысцкай».

Чытайце таксама:

У 10-х класах гісторыю Беларусі аб'яднаюць з сусветнай гісторыяй у адзін курс

«Калі пра гэта казаў наш рэктар — значыць так і ёсць». Журналісты паспрабавалі знайсці беларуска-расійскі падручнік па гісторыі

«Плачу за вучобу, а дзіцяці залікі ставяць за ўдзел у праўладных мітынгах». Беларусы расказалі, што думаюць пра забарону на адукацыю за мяжой

«Сумесныя з Расіяй падручнікі непатрэбныя». Ціханоўская рэзка пракаментавала навіну пра супольныя дапаможнікі

У Беларусі і Расіі створаць супольныя падручнікі па гісторыі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
9
Ха-ха
6
Ого
0
Сумна
0
Абуральна
30
0
даведка/адказаць/
10.04.2024
Нужна отдельная глава, которая через каких-то двадцать лет должна вызвать стойкое желание голосовать за Колю.
0
Учитель года/адказаць/
10.04.2024
Правдоруб 54, иванец - это редкое .....
0
Абое рабое/адказаць/
10.04.2024
даведка, Па пытаньню павесіць ці расстраляць?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930