Знайсці
07.04.2024 / 21:337ŁacБел

Польскі генерал: Армія Лукашэнкі не нясе пагрозы. Пуцін пакінуў ім непрыдатныя танкі

Генерал Вальдэмар Скшыпчак, былы камандуючы Сухапутнымі войскамі ў Польшчы і былы намеснік міністра абароны, днямі заявіў, што польскім узброенным сілам спатрэбіцца 2-3 гадзіны, каб знішчыць беларускае войска, а беларускае ўзбраенне назваў «кучай металалому».

У каментары Белсату ён патлумачыў свае словы.

Генерал Вальдэмар Скшыпчак, былы камандуючы Сухапутнымі войскамі ў Польшчы і былы намеснік міністра абароны. Скрын відэа Белсата

«Калі пачалася адкрытая фаза расійскай агрэсіі супраць Украіны, расейцы ў першай фазе панеслі вялікія страты ў вайсковая тэхніцы. Найперш страцілі танкі, баявыя машыны вайсковай пяхоты. Расейцы ў 2022 годзе мелі вялікі дэфіцыт і танкаў, і БМП.

І ў сувязі з гэтым Пуцін забраў у арміі Беларусі пэўную колькасць гэтых танкаў і баявых машын пяхоты, а затым пазбавіў беларускую армію магчымасці праводзіць якія заўгодна вайсковыя аперацыі. Пакінулі тыя танкі, што палічылі непрыдатнымі. І цяпер Лукашэнка за апошнія гады іх адрамантаваў і выслаў на палігоны, каб дэманстраваць сваю сілу, якой няма. А тое, што ездзіць па палігонах, не нясе ніякай пагрозы.

На тых палігонах было болей беларускіх генералаў, чым гэтых беларускіх танкаў. У Беларусі малая колькасць тэхнікі і яна нам не пагражае», — заявіў Скшыпчак.

Ён лічыць, што беларуская армія нясе пагрозу толькі для сваіх грамадзян.

Скшыпчак мяркуе, што Пуцін і Лукашэнка пакуль не адважацца напасці на НАТА.

«Я думаю, што вялікай вайны яшчэ доўга не будзе, бо расійская армія проста не гатовая да яе, яна загразла ў вайне ва Украіне», — патлумачыў ён.

І дадаў, што паколькі НАТА мае перавагу колькасную і тэхналагічную, то, калі б такая вайна з Расіяй пачалася, яна б пахавала імперыю Пуціна.

Што да польскага войска, то Скшыпчак адзначыў, што пасля 2022-га адбылася вялікая праграма пераўзбраення. Урад прызначыў 4% ад ВУП на падрыхтоўку арміі і яе мадэрнізацыю. Праблемай застаецца, як падрыхтаваць салдат.

Чытайце таксама:

Лукашэнка заявіў, што Беларусь рыхтуецца да вайны

Адкуль Сахашчык чэрпае інсайды пра ядзерную вайну? Яны супадаюць з допісамі канспіралагічнага тэлеграм-канала

Гігін вытлумачыў заявы Лукашэнкі ў Ашмянах: Беларусь не будзе нападаць на Польшчу. Расія, магчыма, таксама не будзе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
29
Панылы сорам
4
Ха-ха
8
Ого
1
Сумна
0
Абуральна
6
8
Яська-гаспадар/адказаць/
08.04.2024
Узровень аналітыкі "украінскі блогер"
4
Танк/адказаць/
08.04.2024
Пішы мемуары, стратэг
6
Броня крепка и танки наши быстры./адказаць/
08.04.2024
Очень даже хорошо что они так думают.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930