Знайсці
06.04.2024 / 20:3816РусŁacБел

«Пратасевічам я не буду». Спявачка Мэрыем у СІЗА дала інтэрв'ю Ксеніі Лебедзевай — але яго так і не паказалі

Спявачка Мэрыем Герасіменка ў новым выпуску ток-шоу «Жыццё-маліна» расказала, як на Валадарцы давала інтэрв'ю БТ. Але яго так і не паказалі ў эфіры.

Мэрыем Герасіменка падчас інтэрв'ю. Скрын відэа: malina_by / YouTube

Па словах Мэрыем, у нейкі момант, калі яна знаходзілася ў СІЗА, ёй прапанавалаі «пасупрацоўнічаць» — запісаць інтэрв'ю для беларускага тэлебачання. Гэтую прапанову яна абмяркоўвала са сваім адвакатам:

«Мы не маглі на некаторыя тэмы размаўляць з адвакатам у кабінетах, бо там усюды праслухоўванне. Я пішу ёй на паперцы: «Калі мне трэба за сваю пазіцыю, погляды паехаць на калонію, я паеду. Наступным Пратасевічам я не буду! І на камеру гаварыць тое, што мне скажуць, я не буду».

Як згадвае спявачка, адвакат прапанавала пагадзіцца на інтэрв'ю, папярэдне ўзгадніўшы пытанні.

«Давай зачэпімся за гэтую магчымасць, каб ты апынулася дома. Таму што ты павінна быць дома. Ты не злачынца», — згадвае словы адваката Мэрыем і тлумачыць, што не было ніякіх умоваў абмену на інтэрв'ю.

«Мы як бы ідзём насустрач. … І магчыма, гэта нам дапаможа ў судзе. Быў канец снежня. Нам трэба было выходзіць на суд, бо нельга паўгода жаваць нейкую лухту (Мэрыем знаходзілася ў СІЗА ўжо паўгода — «НН»). Спадзяваліся, што гэта дапаможа. А магчыма і не».

Мэрыем не згадала сама імя журналісткі, якая запісвала з ёю інтэрв'ю: «Дзяўчына з БТ. Мы некалі бачылі яе праграму».

Мікіта Мелказёраў падказаў імя Ксеніі Лебедзевай. Спявачка адказала, што гэта была яна.

«Сядзела яна, быў аператар. Сядзелі з пракуратуры. Сядзеў мой адвакат. Усе пытанні і адказы ў мяне былі прапісаныя», — згадвае спявачка.

Але інтэрв'ю не выйшла ў эфір. Магчыма, лічыць Мэрыем, не спадабаўся яе адказ на пытанне: «Як Вы ставіцеся да апазіцыі ў Беларусі?»

«Я сказала, што ў кожнай дзяржаве, якая развіваецца, павінна быць канструктыўная апазіцыя. … Гэта вядзе грамадства да развіцця. Не можа быць аднаго погляду на рэчы, падзеі. У людзей павінна быць права выбару».

Мэрыем расказвае, што галоўным у інтэрв'ю было прызнаць сябе вінаватай па нейкім артыкуле. «Мне сказалі: «Прызнаеш, што была на маршы». І мы перапісвалі гэтае пытанне восем разоў. Таму што мяне там не было, а мне трэба было гэта прызнаць. Я не ўмею хлусіць на камеру. Я гавару — і разумею, што ніхто не верыць».

Спявачка адзначае, што адказвала на пытанні з улікам сваіх інтарэсаў: «Мы павінны не забывацца: калі ты апынаешся там, пачынаецца гульня. І ты павінен гэтую гульню весці да самага канца».

Па словах Мэрыем, праз два дні пасля запісу інтэрв'ю яе справу перадалі ў пракуратуру, яшчэ праз пяць дзён быў прызначаны суд, які працягнуўся два дні. Урэшце спявачка атрымала «хімію», выйшла на свабоду і з'ехала з Беларусі.

Чытайце яшчэ:

«Сіл усім, для каго гэтая гісторыя акажацца асабістай». Мэрыем Герасіменка прэзентавала песню, якую напісала ў СІЗА

«Цяпер я абсалютна шчаслівая, а шчаслівая, таму што вольная». Мэрыем Герасіменка эвакуіравалі з Беларусі

Спявачку Мэрыем затрымлівалі губазікаўцы. «Пасля маімі карткамі расплачваліся два месяцы — амаль 900 еўра»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
45
Панылы сорам
6
Ха-ха
9
Ого
4
Сумна
18
Абуральна
27
0
даведка/адказаць/
07.04.2024
[Рэд. выдалена]
1
Рэчаіснасьць/адказаць/
07.04.2024
Протасевич, мусар, не спрабуй выдаць сябе за Протаса, такую лухту нават ён бы не напісаў пад прымусам
0
даведка/адказаць/
07.04.2024
Рэд., продюсером их группы был Андрей Гузель, который ныне вместе с Анной Селук и её сестрой Кулак.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930