Знайсці
06.04.2024 / 19:479РусŁacБел

Стала вядома, якімі аўтамабілямі валодаюць Качанава і сем'і яе дзвюх дачок

Выданне «Люстэрка» надрукавала артыкул пра маёмасны стан Наталлі Качанавай і яе найбліжэйшых сваякоў. Пра тое, як вырашана жыллёвае пытанне адной з найбліжэйшых паплечніц Лукашэнкі, «Наша Ніва» неаднаразова пісала раней, і з таго часу, як выглядае, прынцыпова нічога не памянялася. А вось пра аўтапарк гэтай сям'і раней вядома не было, гэтае пытанне «Люстэрка» высветліла пры дапамозе Belpol.

Трэба сказаць, што ў гэтым аспекце ў сям'і самой Качанавай і ў яе дачок усё даволі сціпла, прынамсі, так было тры гады таму. 

На саму Наталлю Качанаву і яе дочак ніякага аўтатранспарту на па стане сярэдзіну 2021 года запісана не было. У мужа чыноўніцы, Леаніда Качанава, ёсць Suzuki Grand Vitara 2008 года выпуску.

Таксама ёсць аўтамабілі ў мужоў абедзвюх дачок, але да разраду дарагіх іх аднесці складана. Напрыклад, у мужа старэйшай дачкі ёсць машына 2001 года выпуску, а ў мужа малодшай — Mercedes-Benz C180 2014 года выпуску.

Старэйшай дачцэ Качанавай, Вользе, 38 гадоў, яна працуе лекарам з вышэйшай катэгорыяй у РНПЦ «Маці і дзіця». Яе муж — таксама медык, працуе ў Мінскім анкалагічным цэнтры лекарам УГД.

Малодшая дачка чыноўніцы, 30-гадовая Алена, паводле даных на сярэдзіну 2021 года, працавала на наваполацкім «Нафтане», а яе муж быў дырэктарам па IT у буйной кампаніі, якая вырабляе металічныя дзверы і дамафонныя сістэмы.

Чытайце таксама:

Гісторыя жыцця Наталлі Качанавай: як валейбалістка з водаканала стала самай высокапастаўленай жанчынай Беларусі

Віцэ-прэм’ерка Качанава пачынае будоўлю катэджа ў Драздах ФОТЫ

Качанава выгуляла на МТЗ раскошную шубу са скандынаўскай норкі

«А павінна быць у фуфайцы?» Лукашэнкаўцы кінуліся абараняць шубу Качанавай

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
10
Панылы сорам
14
Ха-ха
23
Ого
6
Сумна
10
Абуральна
14
0
Мин.водоканал/адказаць/
06.04.2024
маркграф , из трубы водоканала
0
Бедная Натаха/адказаць/
07.04.2024
Ўсё пайшло на катэдж у Драздах. Нават крыджіт на Жылі не далі 😭.
0
Спадар/адказаць/
07.04.2024
Той выпадак,калі шуба качаніхі даржэй за машыну мужыка. ..
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930