Знайсці
04.04.2024 / 23:20РусŁacБел

Працягнулі яшчэ на год мандат спецдакладчыка ААН па Беларусі

Рада ААН па правах чалавека на пасяджэнні 55-й сесіі ў Жэневе прыняла рэзалюцыю па сітуацыі з правамі чалавека ў Беларусі. У дакуменце Рада пастанавіла яшчэ на год працягнуць мандат спецдакладчыка аб сітуацыі з правамі чалавека ў Беларусі Анаіс Марын.

Анаіс Марын. Фота: news.un.org

Рада просіць Анаіс Марын працягваць сачыць за развіццём падзей і выносіць рэкамендацыі, праводзіць кансультацыі з усімі зацікаўленымі бакамі і прадставіць даклад аб становішчы ў галіне правоў чалавека ў Беларусі Радзе і Генасамблеі ў 2025 годзе.

Таксама Рада пра правах чалавека ААН пастанавіла у тэрміновым парадку заснаваць на год з магчымасцю працягвання групу з трох незалежных экспертаў па пытанні аб становішчы ў галіне правоў чалавека ў Беларусі, якая будзе прызначаная старшынёй Рады.

За рэзалюцыю было аддадзена 24 галасы, 17 краін устрымаліся, а 6 (Алжыр, Бурундзі, Кітай, Куба, Эрытрэя і В'етнам) былі супраць.

Грамадзянка Францыі Анаіс Марын была прызначаная спецдакладчыкам ААН па сітуацыі з правамі чалавека ў Беларусі ў канцы верасня 2018 года. Сама ж пасада з'явілася пасля жорсткага разгону акцыі пратэсту супраць фальсіфікацыі прэзідэнцкіх выбараў 2010 года.

Чытайце таксама:

Арабскі свет не хоча дапамагаць агенцтву ААН, чые супрацоўнікі забівалі і выкрадалі ізраільцян 

Камісію ААН па правах і статусе жанчын узначаліла Саўдаўская Аравія. Як так?

Генеральны сакратар ААН заклікаў выплаціць кампенсацыю за эпоху рабства

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930