Знайсці
14.04.2024 / 10:4711ŁacБел

Як беларускія трамваі гараць і ламаюцца ў Расіі

Узгаранні — не адзіная праблема тэхнікі вытворчасці «Белкамунмаша».

Фота: суполка «Дорожный инспектор» / vk.com

Накіроўваўся ў парк, але не даехаў

Інцыдэнт у Пецярбургу адбыўся раніцай 1 красавіка. Па папярэдняй інфармацыі, трамвай загарэўся праз кароткае замыканне. Два з трох вагонаў амаль цалкам выгарэлі.

Пацярпелых няма, незадоўга да ўзгарання пасажыраў высадзілі на прыпынку, трамвай накіроўваўся ў парк.

Навіны пра ўзгаранне грамадскага транспарту беларускай вытворчасці ў Санкт-Пецярбургу з'яўляюцца рэгулярна. Праўда, гараць звычайна не трамваі, а аўтобусы.

Самара. Загараецца амаль новая тэхніка

Аднак нядаўні выпадак з беларускім трамваем не адзіны. Так, напрыклад, у лістападзе 2023 года ў Самары загарэўся новы трамвай БКМ Т811. Тады экспертыза паказала, што прычынай пажару стаў канструктыўны недахоп, які прывёў да кароткага замыкання ў электрычнай сістэме і ўзгарання праводкі і абшыўкі вагона.

Фота: 63.ru

Усяго «Белкамунмаш» мусіў паставіць у гэты расійскі горад 12 вагонаў. Пры гэтым самарскія заказчыкі скардзіліся не толькі на якасць беларускай тэхнікі, але і на зрывы тэрмінаў паставак. Днямі стала вядома, што ў Самары збіраюцца патрабаваць няўстойку за зрыў пастаўкі трамваяў з Беларусі, бо частку трамваяў, якія мусілі быць пастаўленыя яшчэ летась, горад атрымаў толькі вясною гэтага года.

У сакавіку ў каментарыі выданню «КП-Самара» дырэктар трамвайна-тралейбуснага ўпраўлення Міхаіл Яфрэмаў паведаміў, што на гэты момант у іх распараджэнні 11 новых трамваяў БКМ. Але на лініі штодня, па словах Яфрэмава, працуюць толькі 5-6 вагонаў.

Спачатку прычынай прастою былі багі ў праграмным забеспячэнні, бо трамвай мог проста ўстаць пасярод маршруту з-за непаладак у электроніцы. Цяпер усё часцей здараюцца механічныя паломкі ў хадавой частцы.

«Цяпер рыхтуецца прэтэнзія, каб спагнаць няўстойку з пастаўшчыкоў вагонаў за парушэнне ўмоў кантракту», — заявіў Міхаіл Яфрэмаў.

Барнаул. Паломкі падчас абкаткі і зноў затрымкі з пастаўкамі

Яшчэ адзін горад, куды пастаўляюцца беларускія трамваі, — Барнаул. Без інцыдэнтаў не абышлося. Яшчэ падчас абкаткі адзін з навюткіх трамваяў выйшаў з ладу. У вагона перагарэў пантограф — прылада перадачы току да рухавіка.

Тэрміны пастаўкі вагонаў у Барнаул таксама былі парушаныя. Кантракт на пастаўку новых вагонаў «Белкамунмаш» заключыў у 2021 годзе. Згодна з ім, усе трамваі павінны былі прыехаць у Барнаул вясной 2023 года. Аднак тэрміны ссунуліся. Толькі ў лістападзе 2023 года ўсе 10 вагонаў дабраліся да Барнаула.

Прычынай назвалі ўскладненне эканамічнай і лагістычнай сітуацыі.

Ніжні Ноўгарад. Вагон загарэўся падчас абкаткі

У пачатку сакавіка 2024 года новы трамвай «Мінін» загарэўся ў Ніжнім Ноўгарадзе падчас тэставых выпрабаванняў. Прычынай узгарання назвалі перагрэў тармазных рэастатаў.

Трамваі «Мінін» збіраюцца на расійска-беларускім прадпрыемстве «Ніжэкатранс» у Ворсме. Адкрыццё вытворчасці трамваяў адбылося ў снежні 2022 года. Вагоны «Мінін» збіраюць на платформе мадэлі Т811 ад БKM.

Узгаранне трамваяў у Расіі — даволі распаўсюджаная з'ява. Гараць не толькі вагоны беларускай вытворчасці. Неафіцыйнай «сталіцай спаленых трамваяў» называюць Казань. Там трамваі гараць рэгулярна. У 2019 годзе ў сталіцы Татарстана згарэлі два трамваі беларускай вытворчасці.

Чытайце таксама:

Чаму ў Пецярбургу масава гараць новыя аўтобусы МАЗ? Наступствы санкцый

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
17
Ха-ха
24
Ого
1
Сумна
3
Абуральна
5
2
Таки да/адказаць/
14.04.2024
А я давно говорю, что просто они не умеют делать. Что МАЗы плохие, что трамваи, что автобусы. Без импортных комплектующих все это дерьмо.
14.04.2024
То ли дело самолёты Боинг из США, не падают с людьми на землю из-за неправильной прошивки, двери не отвеливаются при посадке, не отрывает ничего из обшивки и не бьёт по крылу. Забыл ещё про электропоезда от Школы, которые были поставлены в Латвию. Там также нарушение сроков поставки, ну и большая часть поломалась не начав работу. Можно ещё много примеров привести о западных производителях техники, таких как Тесла, БМВ, Тойота и т.п. Там проблем же нет со смертельными исходами по вине производителя... Ах да, забыл, там нет вечно недовольных бчб и нашей нивы ;))
0
Дуремары/адказаць/
14.04.2024
Не тупите, ослы ! Сипатый лось комплектует технику китайскими комплектующими. Вот и горят трамваи, автобусы и тролейбусы.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера