Знайсці
03.04.2024 / 18:4019РусŁacБел

«Мы рыхтуемся да вайны, я аб гэтым гавару шчыра». Як разумець гэтыя словы Лукашэнкі?

У час паездкі ў Гродна Аляксандр Лукашэнка заявіў, што Беларусь не хоча ваяваць, але нібыта рыхтуецца да вайны. «Наша Ніва» спытала ў яго біёграфа Валера Карбалевіча, што значаць такія заявы з вуснаў палітыка.

Аляксандр Лукашэнка ў форме заслухваў даклады вайскоўцаў. Фота: скрыншот з відэа

Валер Карбалевіч адразу адзначае, што гэта цалкам у стылі Лукашэнкі — у адным і тым жа выступе выказваць супярэчлівыя і часам узаемавыключальныя тэзісы.

«Так і ў гэтым выпадку ён кажа, што, з аднаго боку, мы рыхтуемся да вайны, а з іншага — мы за мір ва ўсім свеце, бо мы ўвогуле мірныя людзі і ні з кім ваяваць не збіраемся».

Карбалевіч бачыць у гэтым маніпуляцыю.

«У такім выпадку кожная аўдыторыя возьме тое, што хоча. Прыхільнікі Лукашэнкі звернуць увагу на яго міралюбівыя словы пра тое, што мы за мір. Яны будуць лічыць яго гарантам міру і стабільнасці ў Беларусі. У той час, як ягоныя апаненты — наадварот зачэпяцца за гэтую фразу і назавуць яго прыхільнікам вайны», — тлумачыць палітолаг.

Суседнія краіны, на думку Карбалевіча, таксама рэагуюць на падобныя заявы: насцярожваюцца і выступаюць з дыпламатычнымі нотамі.

Выказванні пра вайну — элемент мабілізацыі прыхільнікаў, дзяржаўнага апарату і сілавых структур.

«Адбываецца фармаванне мадэлі «крэпасці ў аблозе». Вакол ворагі, унутры ворагі, таму дзеля таго, каб выжыць, трэба ўсім мабілізавацца. Адсюль і ідуць пастаянныя вучэнні, праверкі гатоўнасці вайсковых падраздзяленняў, пастаянныя зборы, стварэнне тэрабароны і г. д.»

Такую мадэль аналітык называе аптымальнай для ўтрымання ўлады.

Карбалевіч лічыць, што, робячы такія супярэчлівыя заявы, у Лукашэнкі атрымліваецца адрасаваць іх да розных аўдыторый, у тым ліку ў Расіі.

«Маўляў, глядзіце, мы тут абараняем межы Саюзнай дзяржавы, таму гэта павінна быць адпаведна ацэнена, у тым ліку ў матэрыяльным плане», — лічыць Валер Карбалевіч.

Чытайце таксама:

Беларусы больш не змогуць адносна бяспечна ездзіць у Беларусь праз Расію?

«Вядома, мы не выключаем». Ва УСУ адрэагавалі на словы Лукашэнкі пра падрыхтоўку да вайны

Гігін вытлумачыў заявы Лукашэнкі ў Ашмянах: Беларусь не будзе нападаць на Польшчу. Расія, магчыма, таксама не будзе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
14
Панылы сорам
6
Ха-ха
10
Ого
2
Сумна
3
Абуральна
20
0
Мирумир/адказаць/
04.04.2024
Народ, как будет по-английски и по-польски "сдаюса"?)))
0
Gorliwy Litwin/адказаць/
05.04.2024
без вайны ўлада ў РБ не зменіцца. Лу гэта выдатна разумее і таму зробіць усё  каб у вайну не ўступіць. Захаванне кепскага міру - ягоны і красаўцаў галоўны козыр. калі мір захаваецца - яны будуць кіраваць яшчэ шмат пакаленняў
0
Юрась/адказаць/
05.04.2024
По-перше, лукашенко з важко зрозумілим натхненням дезавуював брехню путіна, що «терористи з Крокуса рухалися в Україну». Наполягаючи, що у Білорусі терористам місця немає. По-друге, російські медіа почали наголошувати, що рф закуповує паливо на білоруських НПЗ, зокрема у Мозирі. Фактично, спеціально малюючи на Мозирському НПЗ ціль і легалізуючи його як мету атаки. Причому не для дронів, а для «диверсантів/партизан».
По-третє, лукашенко раптово здійснив виїзд до Сувалкського коридору та пограв у агресора. Явна провокація. А лукашенко точно не ідіот, щоби не розуміти, як це буде сприйнято. Спеціально зроблено. Вчора мінський вождь відвідав Гродно, де багато наговорив. Спочатку він заявив мешканцям міста, що Гродно – білоруське місто та його нікому не віддадуть. Потім із натиском відзначив, що Білорусь хоче миру, але готується до війни. Загалом із росії лукашенку наполегливо сигналять, що вороги в Україні. А Григорович виконує традиційний номер «ой не чує баба» і наполягає, що супостати на Заході. І треба боронити союзну державу. Він кістьми ляже, але натовські полчища до росії не підпустить! Ось така він людина! Логіка маніпуляцій Кремля з Білоруссю багатошарова.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930