Знайсці
02.04.2024 / 17:11РусŁacБел

У Чачэрску пачалі рэканструкцыю ратушы XVIII стагоддзя

Апошні раз Чачэрскую ратушу аднаўлялі 30 гадоў таму пасля таго, як у 1974 годзе ў ёй здарыўся пажар. Яна была пабудаваная ў XVIII стагоддзі на загад графа Захара Чарнышова. У архітэктуры выкарыстаныя элементы готыкі і класічнага дойлідства. Будынак адметны тым, што першы і другі паверхі яго каменныя, а вышэй ідуць драўляныя канструкцыі.

Скрыншот з відэа

Да таго, як за рамонт узяліся спецыялісты з «Гомельрэстаўрацыі», 25 гадоў тут праводзіліся працы метадам так званай «народнай будоўлі», гаворыцца ў сюжэце дзяржтэлеканала.

«Прыцягвалася шмат падрадных арганізацый, работы выконваліся не зусім якасна. Гэта і прывяло да таго, што цяпер наша ратуша мае патрэбу і ў рэканструкцыі, і ў рэстаўрацыі», — заявіў намеснік старшыні Чачэрскага райвыканкама Арсеній Цеплякоў.

Рашэнне аб рэканструкцыі было прынята ў канцы мінулага года. У планах — замена ўсіх небяспечных канструкцый. Пры гэтым работнікі музея не выключаюць, што ратуша адкрые свае «таямніцы».

Па словах дырэктара Чачэрскага гісторыка-этнаграфічнага музея Таццяны Ганчаровай, ёсць інфармацыя, што ад падвальных памяшканняў Ратушы ішлі тры падземныя хады, якія прыкладна ў 1990-я былі замураваныя ў мэтах бяспекі.

Запланаваны тэрмін рэстаўрацыі — 9 месяцаў.

Чытайце таксама:

Як выглядае палац у Ружанах, пафарбаваны ў ярка-зялёны колер ФОТАФАКТ

«Бачым, што гэта не завод, а палац». У Гродне поўным ходам ідзе рэканструкцыя будынкаў былога бровара

Мемарыял у Светлагорскім раёне, адкрыты 4 гады таму, ужо ставяць на рэканструкцыю

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
0
Ха-ха
0
Ого
1
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930