Знайсці
02.04.2024 / 16:19РусŁacБел

Махляры спрабуюць абдурыць беларусаў праз фэйкавы сайт Мінпрацы

У рамках ашуканскай схемы, якая апошнім часам з'явілася ў Беларусі, грамадзянам прапануюць атрымаць нібыта належную ім сацыяльную выплату ад дзяржавы, запоўніўшы анлайн-форму, дзе патрабуецца пакідаць персанальныя звесткі.

Як паведамілі ў прэс-службе Міністэрства працы і сацыяльнай абароны, у інтэрнэце ашуканцы пачалі рассылаць беларусам праз SMS і паведамленні ў месенджарах інфармацыю пра нібыта наяўную магчымасць атрымаць сацыяльную выплату ад дзяржавы. Для гэтага карыстальнікам прапануюць перайсці па спасылцы на фішынгавую старонку, падобную на афіцыйны сайт міністэрства, і запоўніць там форму з асабістымі звесткамі, якія непасрэдна адлюстраваныя на банкаўскай карце.

У Мінпрацы папярэдзілі, што інфармацыя аб атрыманні сацыяльных выплат, а таксама іх пераліку не рассылаецца праз SMS або інтэрнэт-паведамленні. Ведамства заклікае не пераходзіць па сумніўных спасылках, не перадаваць асабістыя звесткі зламыснікам і правяраць паведамленні ў афіцыйных крыніцах.

Чытайце таксама:

Чарговая схема: «Белпошта» папярэджвае пра паведамленні махляроў у месенджарах

Махляры сабралі персанальныя звесткі тысяч беларусаў замежжа. Як так атрымалася і прычым тут пашпарт Новай Беларусі?

Махляры пераканалі 83-гадовую жанчыну перавесці ім грошы, бо «купюры заражаныя»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930