Знайсці
01.04.2024 / 21:31РусŁacБел

Падчас авіяўдару па Дамаску нібыта забілі іранскага генерала

Сірыйскія і іранскія СМІ паведамляюць, што ізраільскі авіяўдар у панядзелак разбурыў консульства Ірана ў Дамаску, у выніку чаго загінула некалькі чалавек. Сярод загінулых нібыта ёсць і камандуючы Корпусам вартавых Ісламскай рэвалюцыі Ірана ў Сірыі і Ліване, паведамляе «Украінская праўда».

Фота: AP Photo/Omar Sanadiki

Ліванская крыніца ў органах бяспекі ў размове з агенцтвам Reuters паведаміла, што адным з загінулых быў Махамад Рэза Захедзі, старшы камандзір іранскага Корпуса вартавых Ісламскай рэвалюцыі. Іранскае дзяржаўнае тэлебачанне паведаміла таксама, што загінула некалькі іранскіх дыпламатаў.

Рэпарцёры Reuters на месцы здарэння ў раёне Меззех сірыйскай сталіцы бачылі дым над абломкамі зраўнаванага з зямлёй будынка, а побач былі прыпаркаваныя машыны хуткай дапамогі. Перад абломкамі вісеў іранскі сцяг на слупе. На месцы здарэння былі заўважаныя міністры замежных спраў Сірыі і Ірана.

Ізраіль, які неаднаразова наносіў удары па іранскіх цэлях на працягу шасцімесячнай вайны ў Газе, адмовіўся каментаваць гэты інцыдэнт. «Мы не каментуем паведамленні ў замежных СМІ», — заявіў ізраільскі вайсковы прадстаўнік.

Паводле звестак AFP, удар трапіў у прыбудову да амбасады Ірана ў сталіцы Сірыі, у выніку чаго загінулі 6 чалавек. Карэспандэнты агенцтва на месцы здарэння пацвердзілі, што ў прэстыжным раёне Дамаска была зраўнаваная з зямлёй прыбудова да амбасады Ірана. Іранскія СМІ таксама паведамілі, што амбасадар не пацярпеў.

Чытайце таксама:

Ізраільская паліцыя затрымала сястру лідара ХАМАС. Пры ператрусе знайшлі кілаграм золата і сотні тысяч шэкеляў

Арабскі свет не хоча дапамагаць агенцтву ААН, чые супрацоўнікі забівалі і выкрадалі ізраільцян 

Паветраны ўдар па Сірыі: каля Алепа загінулі каля 40 чалавек. Дамаск абвінавачвае Ізраіль

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
1
Ха-ха
1
Ого
1
Сумна
0
Абуральна
3
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930