Знайсці
10.03.2024 / 17:047РусŁacБел

«Сын ведае, што дзяўчынкі любяць падарункі». Беларусы спрачаюцца ў тыктоку, ці трэба даваць школьніку грошы на спатканне

Шматдзетная маці з Барысава выклала ў тыкток відэа, на якім яе 14-гадовы сын нясе ёй сумачку і пасміхаецца. «Калі сын запрасіў дзяўчынку ў кафэ, а фундатар акцыі мама. Выхоўваю сына з пачуццём адказнасці за свой выбар, сям'ю і дзяцей. Ён дакладна ведае, што плаціць мужчына. Таксама ведае, што дзяўчынкі любяць падарункі. Сорамна перад нявесткай мне не будзе», − падпісала ролік жанчына. Пачалася актыўная дыскусія.

Жанчына вядзе акаўнт пад нікам @gavriysha_mnogamama_. Спрэчка пачалася з таго, што яна паказала, як дае старэйшаму сыну (яму 14 гадоў) грошы на паход з дзяўчынай у кафэ. Відэа набрала больш за 860 тысяч праглядаў, каля 12 тысяч лайкаў і сотні каментарыяў. Але ж меркаванні наконт таго, ці добра гэта для выхавання хлопчыка, падзяліліся.

@gavriysha_mnogomama_#многодетные#многомама#декрет#пособия#многодетнаямама#беларусь#льготы#путешествия#льготнаяквартира#жизньвкайф#беременность#сын#подросток♬ Особенная - Ramil' & RODJER

«Затое будзе паважаць і кахаць жанчын, а не мацюкаць як некаторыя. Значыць тата прыклад у сям'і, як трэба ставіцца да дзяўчыны», — напісала адна з каментатарак. Блогерка пагадзілася: «Тата самы цудоўны ў нас. Ён сыну кажа: твая жанчына — тваё ўсё».

Яшчэ адна каментатарка адзначыла, што вучыць свайго сына дарыць дзяўчынкам кветкі. Блогерка адказала, што робіць тое самае: «І калі пасварацца, заўсёды з прысмакамі ідзе мірыцца».

Але ж былі і тыя, хто лічыць, што хлопец мог бы зарабіць гэтыя грошы, выконваючы нейкую нетыповую працу дома: «А калі мама тупа праспансавала, то чаму гэта навучыць?» Адна каментатарка распавяла, што яе 15-гадовы сын, каб зарабіць на падарунак на 8 Сакавіка сваёй дзяўчыне, дапамагаў тату ў гаражы.

Блогерка нават запісала відэа-адказ:

— Працягваючы вашу думку: гэта значыць, калі я яго праспансавала, гэта навучыць яго не працаваць, а цягнуць з мяне грошы? Але давайце разгледзім вашу сітуацыю. Калі ён будзе выконваць для мамы нетыповую працу за грошы, дык чаму яго гэта навучыць? Усё жыццё выконваць просьбы маці толькі за грошы? То-бок, дапамогі не будзе, а мне трэба будзе за кожную працу сына заплаціць? Не трэба ў адным учынку шукаць нейкі негатыў і прадказваць будучыню маім дзецям. Выхаванне — гэта сукупнасць многіх фактараў.

Жанчына таксама дадала, што і ёй, і яе мужу бацькі некалі давалі грошы — і іх не трэба было адпрацоўваць. Але цяпер ужо яны як дарослыя дзеці дапамагаюць сваім бацькам. Напрыклад, купляюць запчасткі ў зламаную машыну, каб бацькам не прыйшлося траціць на гэта сваю пенсію.

«Я некалі таксама фундатаркай была. А цяпер сын уладкаваўся на працу, падзарабляе і ні ў якую грошай у мяне не бярэ. Сам нават часам падкідвае мне на таксі. Яму яшчэ няма 18 гадоў», — падзялілася ўласным досведам яшчэ адна каментатарка.

«А чаму ў іх няма адказнасці перад намі, мамамі? Нашы грошы, зробленыя потым і крывёй, потым так проста траціць. У мяне такая самая сітуацыя. Кожны дзень дай і дай. Мне не шкада, але я таксама хачу нешта купіць», — абурылася іншая.

Было меркаванне, што хлопцу, перш чым запрашаць дзяўчынак на спатканні, трэба знайсці сабе рэальную працу. Але блогерка адказала, што ў яе дзяцей будзе максімальна шчаслівае дзяцінства, а напрацавацца яны за ўсё жыццё паспеюць. Іншая каментатарка адзначыла, што сама забараняла сыну працаваць, пакуль ён вучыцца, бо яго дыплом быў у прыярытэце.

@gavriysha_mnogomama_ Ответ пользователю @svetik 48 #многодетные#многомама#многодетнаясемья#декрет#беременность#беременность#льготнаяквартира#многодетнаямама#мужчинадобытчик#помощьмногодетным♬ оригинальный звук - Gavriysha_mnogomama

З’явіўся ў каментарыях і крык душы: «Хочацца сказаць усім бацькам з каментарыяў, якія змушаюць дзяцей зарабляць сабе на спатканні: не рабіце складанасцяў дзецям, навучыцеся нарэшце зарабляць досыць для сябе і сваіх дзяцей».

А нехта нават хваляваўся за асабістае жыццё хлопца ў будучым: «Не дай Бог такую свякроў, пад ложкам у першую шлюбную ноч будзе ляжаць».

 Чытайце таксама:

Хлопцы са Смілавіцкага каледжа са сталёвымі ружамі ўзарвалі тыкток

Драма ў Мінску: дзяўчыне падарылі 151 ружу не таго памеру

«З 3 па 6 клас насіў заплечнік аднакласніцы». Гісторыі людзей, у якіх ніколі не было сур’ёзных адносін

Ганна Стафановіч

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
8
Ха-ха
4
Ого
0
Сумна
0
Абуральна
0
0
Струк/адказаць/
10.03.2024
Ясь, разве кто-то этим интересуется ? Никто к этому вопросу интереса не проявляет, зачем. Вопрос вроде поставлен иначе: "надо-ли?". Странный во многом вопрос...
4
вопрос-ответ/адказаць/
10.03.2024
Этикет не велит мужчине носить сумочку за дамой. Вообще в руки не следует брать. Не надо быть пуделем.

Карманные деньги детям давать надо. Распоряжаться ограниченными(!) средствами, расставлять приоритеты, экономить надо учить с малых лет.

Ухаживать за девушкой может только тот, кто понимает, откуда берутся дети. Не способен или не готов стать отцом - листай журналы и носи сумочку за мамой, всему своё время





1
У кого что болит/адказаць/
10.03.2024
вопрос-ответ, у кого что болит, тот о том и говорит.
Какой отец в 14 лет? В таком возрасте (да и не в таком) реально можно просто сходить в кафе. Про не трогать сумочку - вообще зашквар. Лично вам не то что к сумочкам - к женщинам в принципе приближаться не стоит. В идеале - сидите дома. Непонятно только, откуда в вашем дремучем средневековьи интернет взялся
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930