Знайсці
07.03.2024 / 14:582РусŁacБел

Нацыянальная акадэмія навук выпусціла факсіміле «Вялікага мастацтва артылерыі» Семяновіча

У выдавецтве «Беларуская навука» выйшла факсімільнае навуковае выданне «The Great Art of Artillery of Casimir Simienowicz / Вялікае мастацтва артылерыі Казіміра Семяновіча» на аснове асобніка, які быў надрукаваны ў Лондане ў 1729 годзе.

Факсіміле падрыхтавана супрацоўнікамі Цэнтра даследаванняў старадрукаў і рукапісаў Піліпам Падбярозкіным і Вадзімам Урублеўскім на падставе ангельскай версіі трактата нашага земляка Казіміра Семяновіча «The Great Art of Artillery» (Лондан, 1729), які захоўваецца ў фондзе ЦНБ Нацыянальнай Акадэміі навук Беларусі, паведамляе bellit.info.

Як тлумачаць выдаўцы, упершыню ў айчыннай і замежнай гістарыяграфіі прыводзяцца сведчанні, якія паказваюць беларускае паходжанне і мэтавую аўдыторыю Казіміра Семяновіча, прынцыпы і спецыфіку перакладу трактата на ангельскую ў 1729 годзе, адметнасці літаратурнай традыцыі і навукова-тэхнічнай тэрміналогіі артылерыйскай справы XVII стагоддзя.

Праца Казіміра Семяновіча (каля 1600 — каля 1651) першапачаткова выйшла на лацінскай мове ў 1650 годзе, досыць хутка набывае вядомасць і становіцца падручнікам па артылерыі. У кнізе прадстаўлены канструкцыі ракет, запальных снарадаў і іншых піратэхнічных прыстасаванняў.

Менавіта Казімір Семяновіч упершыню прадставіў ідэю выкарыстання рэактыўнага руху ў артылерыі. Вялікі раздзел прысвечаны калібрам, канструкцыі, будове і якасцям ракет (вайсковых і грамядзянскіх), у тым ліку шматступеньчатых ракет, ракетных батарэй і ракет са стабілізатарам.

Чытайце таксама:

Папа Францішак атрымаў у дар копію абраза Маці Божай Жыровіцкай

«Яе завуць дырэктарам морга». Беларуска з Новай Зеландыі напісала кнігу пра жыццё на Палессі

«Пабачымся ў жніўні». Выйшаў раман Габрыэля Гарсія Маркеса, які раней не выдаваўся

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
7
Панылы сорам
0
Ха-ха
0
Ого
0
Сумна
0
Абуральна
0
0
Удакладненне/адказаць/
07.03.2024
[Рэд. выдалена]
0
Прайшло 400 год…/адказаць/
08.03.2024
А проста ў Інтарнэт гэтае факсіміле Акадэмія не выклала, бо…? 
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930