Знайсці
03.02.2024 / 10:13РусŁacБел

Расія зноў атакавала Украіну беспілотнікамі і ракетамі. У Крывым Рогу другі дзень запар перабоі з электрычнасцю

У камандаванні Паветраных сіл УСУ паведамілі, што ў ноч на 3 лютага расійскія войскі атакавалі Украіну 14 беспілотнікамі тыпу «Шахед».

Па даных украінскіх вайскоўцаў, як і ў ноч на 2 лютага, «значная частка» беспілотнікаў атакавала аб'екты энергетычнай інфраструктуры ў Днепрапятроўскай вобласці.

Над рэгіёнам збілі пяць дронаў, яшчэ некалькі БПЛА дасягнулі зямлі. Кіраўнік Днепрапятроўскай абласной ваеннай адміністрацыі Сяргей Лысак паведаміў, што ў выніку атакі ўзніклі два пажары.

«Без святла ў раёне амаль 15000 чалавек. А яшчэ — дзве кацельні Крывога Рога, якія забяспечваюць 43000 абанентаў. У горадзе часткова абясточаны хуткасны трамвай. Таксама некаторыя сем'і засталіся без водазабеспячэння», — напісаў Лысак.

Кіраўнік Рады абароны Крывога Рога Аляксандр Вілкул заявіў, што расійскія вайскоўцы ўдарылі па аб'екце энергетычнай інфраструктуры горада.

У ноч на 2 лютага расійскія войскі запусцілі па тэрыторыі Украіны 24 ударных беспілотнікі. Адзін з беспілотнікаў пашкодзіў электрападстанцыі «Укрэнерга», без святла ў Крывым Рогу засталіся каля 40 тысяч абанентаў, у тым ліку дзве шахты, нагадвае «Медуза».

Чытайце таксама:

Расійскія войскі ўпершыню захапілі жылы раён Аўдзееўкі — аналітык Bild

Катастрофа Іл-76 пад Белгарадам: што сцвярджаюць Расія, Украіна і на якія пытанні пакуль няма адказаў

Пуцін прызнаў, што расійскія войскі маюць на фронце праблемы з-за беспілотнікаў 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
0
Ого
0
Сумна
0
Абуральна
3
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930