Знайсці
22.11.2023 / 18:223РусŁacБел

«Уявіў, што мне было б цікава паслухаць». Саліст J:Морс заняўся аўдыякнігамі

Лідар гурта J:Moрс Уладзімір Пугач заснаваў выдавецтва аўдыякніг Litaralna. Планы — выдаваць беларускія творы і рабіць іх даступнымі бясплатна. Мы распыталі ва Уладзіміра падрабязнасці.

Фота: скрыншот з youtube.com 

Першыя кнігі ад Litaralna ужо даступныя анлайн бясплатна.

Гэта «Аповесць з майго часу, альбо Літоўскія прыгоды» Ігнація Янкоўскага (1854), «Кароткая гісторыя Беларусі» Вацлава Ластоўскага (1910) і «Адвечным шляхам» Ігната Абдзіраловіча (1921). Агучылі кнігі адпаведна Сяргей Бохан, Алег Гарбуз і Аляксандр Памідораў.

Уладзімір кажа, што каманда праекта адмыслова выбрала не тыя кнігі, якія на слыху: «Уявіў для сябе, што мне было б цікава паслухаць і што яшчэ не было перароблена ў фармат аўдыякніжак. Пачалі мы з кніг 19 — пачатку 20 стагоддзя, гэта тое, на што цяпер радзей звяртаецца ўвага, бо цяпер часцей публікуюць больш знаныя кніжкі — сучасныя і сярэдзіны 20 стагоддзя. Іх мы больш ведаем і нават вывучалі ў школе, а вось кніжкі 19 стагоддзя менш прадстаўленыя ў аўдыяфармаце. Таму мы пачалі менавіта з 19 стагоддзя».

Гэты праект спявак робіць разам з сябрам Аляксеем Ерахаўцом і з Марыяй Мароз, яны прадстаўляюць польскі фонд ŻYCIE. Яны са свайго боку забяспечылі фінансаванне праекта, бо доступ да кніг бясплатны для слухачоў. Ці будзе так далей? Уладзімір не бярэцца планаваць надоўга, але запэўнівае:

камандзе важна, каб моладзь мела як мага прасцейшы доступ да беларускай культуры і літаратуры, таму праект будзе бясплатны так доўга, як атрымаецца. 

Чаму Пугач вырашыў заняцца гэтым? «Чаму не? На жаль, трапіў у абставіны, калі няма магчымасці цалкам займацца працай, якой прысвяціў большую частку жыцця, як гэта было ў Беларусі. Зменшылася і колькасць канцэртаў, і колькасць слухачоў. Вызваліўся час для яшчэ нечага карыснага, і я вырашыў распачаць такі праект з аўдыякніжкамі. [Выбраў такі фармат] у тым ліку таму, што сам з задавальненнем карыстаюся аўдыякніжкамі, даўно іх слухаю», — адказвае музыка.

Цяпер Litaralna рыхтуе агучку яшчэ дзвюх кніг, якія плануе выдаць да Новага года. Адна — знакавы беларускі мастацкі твор, які абяцаюць прадставіць бліжэй да Калядаў, другая — вельмі важны і востры сацыяльна-палітычны твор, дужа вядомы. Ён, кажа Пугач, падрыхтаваны ў фармаце, нечаканым нават для тых, хто прызвычаіўся слухаць аўдыякніжкі.

Уладзімір кажа, што каманда не мае строгіх крытэрыяў ні па жанрах, ні па галасах для агучкі: «Плануем агучваць і мастацкую, і філасофскую літаратуру, і публіцыстыку — тое, што, на наш погляд, было б важна перавесці ў даступны фармат, да якога прызвычаілася моладзь. 

У нас вольны падыход і да таго, хто агучвае кнігі. Сярод гэтых людзей і прафесійныя акцёры, і дыктары, але не толькі яны. Якраз адзін з праектаў, які мы рыхтуем да Новага года, будзе зроблены не вельмі традыцыйным чынам у параўнанні з іншымі аўдыякніжкамі». 

Спявак нагадвае, што твораў беларускай літаратуры вельмі шмат. На яго думку, патрэбныя дзясяткі, а то і сотні такіх выдавецтваў, як Litaralna, каб ператварыць кнігі ў сучасны фармат і зрабіць іх даступнымі для новых пакаленняў. Каманда спадзяецца, што ў іх гэта атрымаецца.

«Наша Нiва» — бастыён беларушчыны

ПАДТРЫМАЦЬ

«Калі мы казалі «было б ідэальна працаваць у Еўрасаюзе», то мелі на ўвазе зусім не гэта». Вялікая гутарка з лідарам J:Морс Уладзімірам Пугачам

«Не варта да смерці гуляць у моцнага чалавека». Крысціна Дробыш — пра агучку дзіцячых кніг, працу на ТБ і антыдэпрэсанты

Лукашысты адправілі гэтага айцішніка на хімію. А ён уцёк і стварыў стартап па пераводзе тэксту ў аўдыё

Вера Белацаркоўская

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
0
Ха-ха
0
Ого
0
Сумна
1
Абуральна
1
1
Супер/адказаць/
22.11.2023
Крута! Дзякуй! Будзем слухаць!
0
Woodoo Cult /адказаць/
23.11.2023
[Рэд. выдалена]
0
Woodoo Cult /адказаць/
25.11.2023
Супер, няхай яго Фiнберг слухае! 
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930