Знайсці
04.11.2023 / 07:385РусŁacБел

Амлет з перцам, сырам, цыбуляй і вяндлінай — рэцэпт і як гатаваць

Класічная смакавая камбінацыя, якая прыйдзецца даспадобы амаль усім.

Фота: Getty Images

У гэтага папулярнага рэцэпта ёсць некалькі назваў: яе называюць і заходні амлет, і дэнверскі амлет, і амерыканскі амлет, і проста амлет з гароднінай і сасіскамі. Асабліва папулярны такі сняданак у жыхароў паўднёва-заходніх штатаў ЗША.

Гэтая сытная страва ідэальна падыдзе для сняданку напярэдадні насычанага дня, у які запланавана шмат спраў ці актыўнасцяў. Істотная перавага — для дэнверскага амлета спатрэбяцца інгрэдыенты, якія, магчыма, ужо ёсць на вашай кухні.

Спатрэбіцца:

  • 5 вялікіх яек
  • соль і молаты чорны перац. Нагадаем, што калі ён свежа памолаты, то больш араматны
  • 55 г сыру (чэдару ці іншага)
  • трохі папрыкі, парэзанай кубікамі памерам каля 1,5 см
  • 70 г вяндліны (скрылёчкі тры), нарэзанай кавалачкамі каля 1,5 см
  • шчопаць вэнджанай папрыкі

Як гатаваць:

  1. У сярэдняй місцы прыпраўце яйкі соллю і перцам, затым узбіце да атрымання аднастайнай пены. Адстаўце ўбок.
  2. Пакладзіце сыр у гарачатрывалую міску сярэдняга памеру. У 25-сантыметровай патэльні з антыпрыгарным пакрыццём растапіце 1 сталовую лыжку масла на сярэднім агні, памешваючы, пакуль яно не падрумяніцца. Дадайце папрыку і цыбулю, прыпраўце соллю і гатуйце, час ад часу памешваючы, пакуль яны не стануць мяккія і не пачнуць падсмажвацца — каля шасці хвілін. Дадайце вяндліну і гатуйце, перыядычна памешваючы, пакуль гародніна і вяндліна не падсмажацца месцамі і не запахнуць прыемным дымком — яшчэ прыкладна 5 хвілін. Дадайце вэнджаную папрыку і чорны перац. Пакладзіце гародніну і вяндліну ў сыр і перамяшайце.
  3. Пратрыце патэльню і пастаўце на сярэдні агонь. Дадайце астатнюю адну сталовую лыжку масла і гатуйце, пакуль яно не растане і не пасмажыцца. Зноў узбіце яйкі да з’яўлення пены, затым дадайце ў патэльню і гатуйце, ссоўваючы сіліконавай лапаткай краі да цэнтра і нахіляючы патэльню, каб размеркаваць сырое яйка знізу. Працягвайце ссоўваць яйкі па краях і нахіляць патэльню, працуючы па ўсім перыметры патэльні, пакуль амлет амаль не застыне — прыкладна 45 секунд.
  4. Пасыпце палову амлета вяндлінай, гароднінай і сырам, зніміце з агню, накрыйце вечкам і дайце амлету настаяцца да таго часу, пакуль ён амаль ці цалкам не прыгатуецца зверху (у залежнасці ад таго, якая кансістэнцыя вам падабаецца) — каля 1 хвіліны.
  5. Сіліконавай лапаткай аддзяліце краі амлета ад патэльні і страсяніце патэльню, каб пераканацца, што ён не прыліп. Акуратна складзіце амлет напалову, каб закрыць начынне, затым перакладзіце яго на талерку і адразу ж падавайце.

Чытайце таксама:

Рыба з гароднінай, прыгатаваная на пары. Рэцэпт і сакрэты

Слойкі з сырам бры і журавінамі. Рэцэпт 

Ірландзец тэсціруе беларускія сталоўкі. Вось якой з іх прапаноўвае даць мішленаўскую зорку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
4
Ха-ха
2
Ого
0
Сумна
0
Абуральна
2
0
антижир/адказаць/
04.11.2023
Жір, ружова*опаму выказвайце свае прытэнзіі а не нам )
2
хамса без головы в масле 200 г +/адказаць/
04.11.2023
Рэд..) а што калі кіпцюрок упадзе ў блюда ?
а тыпу - жры ублюдак
05.11.2023
Maja pavarycha-induska hatuje hetuju spravu cikaviej. Jana dadaje ū jaje niejkija asablivyja spiecyi... yx-x-x ! I biekon sapraūdny kladize, a nie hety vo, z pliastykavaj upakoūki, što na fotcy.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930