Знайсці
03.10.2023 / 21:077РусŁacБел

У беларускай культурнай прасторы скралі бокс з данатамі на дапамогу Украіне

У беларускай культурнай прасторы CreateCulture Space у Вільні хтосьці скраў данат-бокс, у якім збіралі грошы на дапамогу Украіне. Зараз шукаюць чалавека, які трапіў у аб’ектыў камеры.

Фота з сацсетак CreateCulture Space

Адбылося ўсё ў мінулую нядзелю ў 14:52.

«Звычайна па нядзелях мы не працуем, − распавяла «Нашай Ніве» дырэктарка CreateCulture Space Таццяна Штэйнбук. — Але на гэтых выходных наша каманда прымала ўдзел у міжнародным конкурсе 48HFP. З пятніцы па нядзелю ішоў творчы працэс: людзі абмяркоўвалі ідэі, пісалі сцэнарыі, здымалі відэа».

Людзей было шмат, але яны знаходзіліся ў розных памяшканнях: нехта ў асноўнай зале, нехта ў студыі. Уваходныя дзверы не зачынілі — ніхто нават не падумаў пра тое, што можа зайсці старонні. Данат-бокс заўсёды стаяў каля самага ўвахода на стале адміністратара.

«Ніколі не было такога, каб нехта спрабаваў забраць гэтую каробку, — сказала Таццяна. — Тым больш што камера ў нас усталявана якраз насупраць уваходных дзвярэй. Ёсць і папярэджанне, што вядзецца відэаназіранне. Дзіўна, што мужчына, які скраў бокс, не заўважыў ні папярэджання, ні камеру».

Якая дакладна сума была ў боксе, сказаць немагчыма: там было шмат манет і купюры па 5, 10, 20 еўра. CreateCulture Space ужо звярнуліся па дапамогу ў літоўскую паліцыю. Але тых, хто пазнаў мужчыну на скрыншоце з відэа, якое зняла камера, просяць таксама паведаміць адміністрацыі прасторы.

 Чытайце таксама:

У Клімавічах зладзеі скралі сейф з далярамі і знялі відэа, як яго ўзламалі

Салігорац скраў для жонкі куртку, а той яна не спадабалася

Знойдзены найгоршы вартаўнік: у Сан-Дыега сабака дазволіў незнаёмцу скрасці ровар проста з гаража

Беларус паставіў фотапастку, каб нічога не скралі з будоўлі. Скралі фотапастку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
14
Ха-ха
11
Ого
1
Сумна
1
Абуральна
24
1
Сенца/адказаць/
03.10.2023
Ну і твар, божа. Гэта не пранк які небудзь?
04.10.2023
Aj dy varony..!
04.10.2023
Супер🤣
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера